गुरुवारी उपमुख्यमंत्रिपदाची शपथ अन् शुक्रवारी जप्त केलेली मालमत्ता परत..

उद्रेक न्युज वृत्त :-राष्ट्रवादी काँग्रेसचे राष्ट्रीय अध्यक्ष आणि महाराष्ट्राचे उपमुख्यमंत्री अजित पवार यांना दिल्ली लवादाने मोठा दिलासा दिला आहे.गुरूवारी उपमुख्यमंत्रिपदाची शपथ घेतल्यानंतर दुसऱ्याच दिवशी आयकर विभागाने अजित पवार यांची जप्त केलेली मालमत्ता दिल्लीतील लवादाने परत केली आहे.

आयकर विभागाने ऑक्टोंबर २०२१ मध्ये छापा टाकून अजित पवार आणि त्यांच्या कुटुंबीयांशी संबंधित असलेली सुमारे १ हजार कोटींची संपत्ती जप्त केली होती.अजित पवार,पार्थ पवार,सुनेत्रा पवार यांच्या मालमत्तांसह नातेवाइकांशी संबंधित मुंबईतील प्रतिष्ठित नरिमन पॉइंट येथील निर्मल टॉवरसह पाच मालमत्ता जप्त केल्या होत्या.शपथविधीपूर्वी एक दिवस आधी अजित पवार दिल्लीला गेले होते. त्यावेळी केंद्रीय गृहमंत्री अमित शाह यांची भेट घेण्यासाठी गेल्याचे वृत्त पसरले होते.परंतु आपण खासगी कामासाठी गेल्याचा खुलासा अजित पवारांनी शपथविधीनंतर केला होता.