शर्टच्या वरच्या खिशात असलेल्या मोबाइलचा स्फोट.. -शिक्षकाचा जागीच मृत्यू तर एकजण किरकोळ जखमी..

गोंदिया :-शर्टच्या वरच्या खिशात असलेल्या मोबाइलचा स्फोट झाल्याची घटना भंडारा जिल्ह्यातील  सिरेगावटोला,ता.साकोली, सानगडी मार्गावरील केसलवाडा फाटा परिसरात काल,शुक्रवारी ६ डिसेंबरच्या सायंकाळी ६ वाजताच्या सुमारास घडली.दुचाकीवरून जात असलेल्या शिक्षकाच्या शर्टच्या खिशात ठेवलेल्या मोबाइलचा स्फोट होऊन त्यांचा जागीच मृत्यू झाला.तर मागे बसलेले वृध्द  जखमी झाले.सुरेश भिकाजी संग्रामे वय ५४ वर्षे रा.सिरेगाव टोला ता.साकोली असे मृत शिक्षकाचे तर नत्थू गायकवाड असे जखमी वृध्द इसमाचे नाव आहे.

काल,शुक्रवारी सानगडी येथे आठवडी बाजार होते. त्यामुळे दोघेही बाजारासाठी गेले होते.दरम्यान,बाजार करून परत स्वगावी सिरेगाव टोलाकडे जात असतांना सिरेगाव ते सानगडी मार्गावरील केसलवाडा फाटा परिसरात सुरेश यांच्या शर्टच्या वरच्या खिशात असलेला मोबाइलचा स्फोट झाला.त्यामुळे त्यांचे कपडे जळून छातीच्या काही भागही जळाला. यात त्यांचा जागीच मृत्यू झाला.तर सोबत दुचाकीवर मागे बसून असलेले त्याचे वृध्द नत्थू गायकवाड गाडीवरून पडल्याने,किरकोळ जखमी झाले.