गळ्यात गुंडाळलेली ओढणी मशीनमध्ये अडकल्याने महिलेचा मृत्यू…

गोंदिया :-आमगाव पोलिस ठाण्यांतर्गत,गळ्यात गुंडाळलेली महिलेची ओढणी मका धान्य काढण्याच्या यंत्रात अडकल्याने महिलेचा मृत्यू झाला.कलाबाई जितेंद्र कोरे असे मृत महिलेचे नाव आहे.

मिळालेल्या माहितीनुसार,शनिवारी २४ ऑगस्टला रोजप्रमाणे कलाबाई कोरे या आमगावच्या किडंगीपार येथील संजय महादेवराव शिवणकर यांच्या पोल्ट्री फार्ममध्ये मक्याचे धान्य काढण्याचे काम करत होत्या. यावेळी महिलेने तोंडाला काळ्या रंगाचा स्कार्फ बांधला होता.त्यानंतर काम करत असताना अचानक तिची ओढणी मशीनमध्ये अडकली आणि गळा दाबला गेल्याने तिचा जागीच मृत्यू झाला.या प्रकरणी

पोलिसांनी आकस्मिक मृत्यूची नोंद केली आहे.पुढील तपास पोलिस हवालदार उईके करीत आहेत.