किलोमीटरचे अंतर दर्शविणाऱ्या दगडाला दुचाकीची धडक; २५ वर्षीय तरुण जागीच ठार तर दोघे तरुण गंभीर जखमी..

गडचिरोली :-चंद्रपूर जिल्ह्याच्या पोंभूर्णा तालुक्यातील दोघे व मूल तालुक्यातील एक असे तिघे तरुण गडचिरोली जिल्ह्याच्या मुलचेरा येथे काही कामानिमित्त जात असतांनाच वाटेतील आष्टी ते मुलचेरा मार्गावरील रेंगेवाही पुलाजवळ दुचाकी अनियंत्रित होऊन किलोमीटरचे अंतर दर्शविणाऱ्या दगडाला जाऊन धडकली.धडक इतकी भीषण होती की,यात २५ वर्षीय तरुणाचा जागीच मृत्यू झाला,तर दोघे तरुण गंभीर जखमी झाल्याची घटना आज,सोमवार २५ ऑगस्ट रोजी सायंकाळी सहा वाजेच्या सुमारास घडली.लकी उर्फ लखन गोरडवार वय २५ वर्षे,रा.नांदगाव (घोसरी) ता.पोंभुर्णा,जि.चंद्रपूर असे अपघातात ठार झालेल्या तरुणाचे नाव आहे.तर अक्षय वाकुडकर वय २५ वर्षे,रा.नांदगाव(घोसरी)ता.पोंभुर्णा,जि.चंद्रपूर व शुभम वाकुडकर वय २४ वर्षे रा.बोंडाळा,ता.मुल,जि.चंद्रपूर असे अपघातात गंभीर जखमी झालेल्या तरुणांची नावे आहेत.

तिघेही तरुण आज सोमवारी चंद्रपूर जिल्ह्याच्या पोंभूर्णा तालुक्यातील नांदगाव(घोसरी)येथून एमएच ३४ बीडब्लू ४९०९ क्रमांकाच्या दुचाकीने गडचिरोली जिल्ह्याच्या मुलचेरा येथे काही कामानिमित्ताने जाण्यासाठी निघाले होते.अश्यातच मुलचेरा येथे जात असतांनाच सायंकाळी सहा वाजेच्या दरम्यान आष्टी मुलचेरा मार्गावरील रेंगेवाही पुलाजवळ जाताच अचानकपणे दुचाकी अनियंत्रित झाल्याने मार्गावरील किलोमीटरचे अंतर दर्शविणाऱ्या दगडाला जाऊन धडकली.धडक बसताच दुचाकीस्वार लखन गोरडवार,अक्षय वाकुडकर व शुभम वाकुडकर हे दुचाकीवरून दूरवर फेकल्या गेल्या.यात लखन गोरडवार जागीच गतप्राण झाला,तर नाना वाकुडकर व शुभम वाकुडकर दोघेही गंभीर जखमी झाले. घटनेची माहिती मार्गावरून ये-जा करणाऱ्या नागरिकांच्या लक्षात येताच लगेच त्यांनी आष्टी पोलिसांना कळवले.आष्टी पोलीस पथकासह घटनास्थळी दाखल होत जखमींना तात्काळ आष्टी ग्रामीण रुग्णालयात दाखल केले.घटनेचा पुढील तपास आष्टी पोलीस प्रशासन करीत आहे.