उद्रेक न्युज वृत्त
देसाईगंज(गडचिरोली) :- श्री.दत्त जयंती दिनाचे औचित्य साधून उद्या दिनांक- २६ डिसेंबर रोजी दत्त सांप्रदायिक मंडळ बोडधा ग्रामपंचायत कार्यालय तसेच देसाईगंज बनसोड हॉस्पिटलच्या संयुक्त विद्यमानाने भव्य होमिओपॅथिक चिकित्सा शिबिर आयोजित करण्यात आला आहे.
सदर आरोग्य शिबिरामध्ये अनेक जुना व्याधींवर मार्गदर्शन व उपचार करण्यासाठी तज्ञ डॉक्टर श्रीकांत रामजी बनसोड हे स्वतः उपस्थित राहणार असून औषधोपचार करणार आहेत.होमिओपॅथी औषधाचा वापर करून अनेक जुनाट व्याधींवर कायमस्वरूपी फायदा करून घेण्यासाठी देसाईगंज तालुक्यातील सर्व रुग्ण बांधवांना आरोग्य शिबिरात प्रामुख्याने उपस्थित राहण्यासाठी आवाहन करण्यात येत आहे. दरवर्षीप्रमाणे याही वर्षी सुध्दा श्री दत्त जयंतीच्या निमित्ताने आरोग्य शिबिरासारखे अत्यंत उपयुक्त असे सामाजिक उपक्रम राबविण्यासाठी देसाईगंज बनसोड हॉस्पिटलचे संचालक डॉक्टर श्रीकांत रामजी बनसोड तसेच हॉस्पिटलातील मान्यवर प्रयत्नशील असतात;
सदर शिबिराचे आयोजन दत्त सांप्रदायिक मंडळ बोडधाचे अध्यक्ष विलास पाटील गायकवाड,सचिव पुष्पराज पाटील गायकवाड, सरपंचा भाग्यश्री गायकवाड,उपसरपंच राजू पाटील गायकवाड तसेच समस्त ग्राम पंचायत सदस्य यांनी केले असून गावकरी मंडळीचे मोठया प्रमाणात योगदान लाभणार आहे. शिबिरास्त्व लागणाऱ्या औषधीसाठा नागपूर येथील प्रसिद्ध औषधी निर्माण कंपनी शिमराज होमीओ क्यूआर लॅब नागपुरने देवू करून सामाजिक उपक्रमात अग्रगण्य असल्याचे म्हटले आहे.प्रतिष्ठित नागरिक होमराज पाटील गायकवाड,डॉ.मण्डल,माजी सरपंच उद्धव पाटील गायकवाड यांनी शिबिराचे लाभ घेण्यासाठी आवाहन केले आहे.शिबिरासाठी नोंदणी सुरू असून होमराज पाटील गायकवाड यांच्यशी संपर्क साधावा असेही आवाहन बनसोड हॉस्पिटल देसाईगंज तर्फे करण्यात आले आहे.
