उद्याला देसाईगंज येथे शिवप्रेमींचा निषेध मोर्चा…

देसाईगंज(गडचिरोली) :-मालवण राजकोट येथील छत्रपती शिवाजी महाराजांचा पुतळा कोसळून झालेल्या शिवरायांच्या अवमानना विरोधात उद्या दिनांक- ६ सप्टेंबरला सकाळी ११.३० वाजता देसाईगंज शहरात निषेध मोर्चा काढण्यात येणार आहे.छत्रपती शिवाजी महाराजांचा पुतळा अवघ्या काही महिन्यांतच कोसळला असल्याने राज्याचे मुख्यमंत्री,उपमुख्यमंत्री व बांधकाम मंत्री यांनी राजीनामा द्यावा; छत्रपती शिवरायांचा अवमान खपवून घेतल्या जाणार नाही.यासाठी उद्याला मोर्चामध्ये राजकीय पक्षाचे पदाधिकारी,सामाजिक संस्था,विविध कार्यकर्त्यांसह शिवप्रेमी सहभागी होणार आहेत.निषेध मोर्चा सर्वप्रथम देसाईगंज शहराच्या फवारा चौकातून निघणार असून उपविभागीय कार्यालय या ठिकाणी घोषणा देत धडकणार आहे.मोर्चात जास्तीत जास्त शिवप्रेमींनी सहभाग नोंदविण्याचे आवाहन करण्यात आले आहे.