आता राज्यातील शिक्षकही दिसणार गणवेशात..

उद्रेक न्युज वृत्त :-राज्यातील सर्व शाळांमध्ये विद्यार्थ्यांना गणवेश लागू झाल्यानंतर आता येत्या शैक्षणिक वर्ष २०२५-२६ च्या जूनपासून सुरू होणाऱ्या सत्रात राज्यातील शिक्षक गणवेशात दिसणार असून सर्व शालेय शिक्षकांना ड्रेसकोड लागू करणार असल्याचे शालेय शिक्षणमंत्री दादा भुसे यांनी म्हटले आहे. शिक्षकांच्या ड्रेसकोडसाठी खारीचा वाटा म्हणून शासननिधी उपलब्ध करून देण्यात येणार असल्याचे सूतोवाच देखील त्यांनी केले.नाशिकच्या मालेगाव तालुक्यातील अजंग जिल्हा परिषद शाळेत विद्यार्थ्यांना कॉर्पोरेट सोशल रिस्पॉन्सिबिलिटी (सीआरएस) अंतर्गत शैक्षणिक डेस्कसह शालेय बॅगच्या वितरणप्रसंगी मंत्री भुसे बोलत होते.या कार्यक्रमातच सर्वच शिक्षक गणवेशात असल्याने मंत्री भुसे यांनी कौतुक करत राज्यभरातील शालेय शिक्षकांना ड्रेसकोड लागू करण्याचे संकेत दिले.त्यामुळे आता शालेय विद्यार्थ्यांप्रमाणेच शिक्षकही गणवेशात दिसणार आहेत.