उद्रेक न्युज वृत्त
मुख्य संपादक/सत्यवान रामटेके
देसाईगंज(गडचिरोली) :- करोडो रुपयांच्या महसूल प्रशासन विभागास चुना लावण्यात रेती चोर माहिर झाले असून ‘खळखळ नभात करतेय’ म्हणण्यापेक्षा ‘खळखळ गावात करतेय’ साहेब/मॅडम असे म्हणणे चुकीचे ठरणार नाही.कोंढाळा गावातील पत्रकार सत्यवान रामटेके यांच्या घरा समोरील मुख्य रस्त्यावरून तसेच गावातील पलिकडील बायपास मुख्य मार्गावरून रात्रौ ११ वाजे तसेच २ वाजेच्या सुमारास तर पहाटे ४ वाजे पासून अवैध रेतीचा जो बोलबाला सुरू होतो; तो थांबता- थांबेनासा झाला आहे.यामध्ये कमी वयांच्या मुलांना ३०० रुपये ब्रास एक ट्रॅक्टर ट्रॉली रेती ठरवून त्यांचा गैर फायदा घेतला जातो आहे.रात्रभर कितीतरी ब्रास अवैध रेतीचा उपसा रेती चोरटे करीत आहेत व महसूल प्रशासन विभागाच्या तसेच पोलीस प्रशासन विभागाच्या अधिकारी व कर्मचारी वर्गांवर २०० ते ३०० रुपये रोजीची मुले वा युवक पाळत ठेवून कोण? कुठे चाललाय? व कुठे जाणार? याची परिपूर्ण तसेच संपूर्ण माहिती एका फोनवर तसेच व्हॉटसअप वर घेतांना दिसून येत आहेत.अनेकांना सर्वांच्या वाहनांचे नंबर मुकपाठ झालेले असल्याची गुपित माहिती मिळाली आहे.त्यानुसार रेती चोरटे ‘आला रे बावाजी’ म्हणून माहिती पुरविण्यात मग्न झाले आहेत.त्यामुळेच अनेकांच्या हातावर तुरी देऊन तसेच अवैध रेती चोरी करून नवनवीन ट्रॅक्टर तसेच इतर साधने अनेकांनी खरेदी केली असल्याची गुपित माहिती मिळाली आहे. अशातच अनेकजण मुंग गिळून चुप्पी साधून ‘पैका करे तैका’ असे अनेकजण समजू लागले असल्याने अशांवर तसेच रेती चोरट्यांवर आळा घालणार कोण? असा प्रश्न पडला आहे.
