१९ वर्षीय दोन महिला नक्षलींसह पाच नक्षलवादी साहित्यासह ताब्यात.. – तीन महिला नक्षलींची नावे जाहीर

गडचिरोली :-जिल्ह्याच्या भामरागड उपविभागांतर्गत येणाऱ्या लाहेरी उपपोलीसस्टेशन हद्दीतील बिनागुंडा परिसरात काही नक्षलवादी घातपात घडवून आणण्याच्या प्रयत्नात असल्याचे गडचिरोली पोलीस अधीक्षक नीलोत्पल यांना गुपितरित्या माहिती मिळाली असता परिसरात दोन दिवसांपासून विशेष कृती दलाच्या जवानांची आठ पथके आणि केंद्रीय राखीव दलाचे पथक नक्षलवादविरोधी अभियान राबवित होते.नक्षलवादविरोधी अभियान राबवित असतांनाच बिनागुंडा गाव परिसरात पाच नक्षलवादी असल्याची माहिती मिळाली.त्यानुसार पथकाने अत्यंत शिताफीने पाचही नक्षलवाद्यांना आज,मंगळवार २० मे रोजी अटक केली.यातील तीन महिला नक्षलवाद्यांची नावे जाहीर करण्यात आली असून दोन नक्षलिंच्या वयाबाबत संभ्रम असल्याने पुढील प्रक्रिया सुरू आहे.