१४ वर्षीय अल्पवयीन मुलीवर घरी बोलावून अत्याचार.. – २१ वर्षीय आरोपीस अटक..

गडचिरोली :-आई-वडील बाहेर राज्यात कामासाठी गेल्याने १४ वर्षीय मुलीला तिच्या मावशीकडे ठेवले.अशातच बुधवारी १ जानेवारीला आरोपीने खोटी बतावणी करून आपल्या घरी नेऊन अत्याचार केल्याची घटना कोरची येथे घडली.याप्रकरणी तक्रारीनंतर काल,शुक्रवारी ३ जानेवारीला आरोपी विरुद्ध गुन्हा दाखल करून अटक करण्यात आली.मनिष भोयर वय २१ वर्षे,रा.कोरची असे अटक करण्यात आलेल्या आरोपीचे नाव आहे.

पोलिसांनी दिलेल्या माहितीनुसार,पीडित मुलीचे आई-वडील कर्नाटक राज्यातील विजयवाडा येथे एका कंपनीत कामासाठी गेले होते.त्यामुळे त्यांनी मुलीला तिच्या मावशीकडे ठेवले होते.बुधवारच्या रात्री मावशी कामात असतांना आरोपी मनिष तिच्या घरी गेला. ‘तुझा काका बोलावत आहे’, अशी खोटी माहिती सांगून त्याने तिला आपल्या घराकडे नेले.घराकडे नेल्यानंतर तिच्यावर अत्याचार केला.अत्याचार केल्याने मुलीचे कपडे रक्ताने माखले.त्यानंतर ती आपल्या मावशीच्या घरी परतली. रक्ताने माखलेले कपडे बघून मावशीने विचारणा केली. मात्र,ती घाबरलेल्या अवस्थेत असल्याने काहीही सांगितले नाही.दुसऱ्या दिवशी रडत-रडत तिने आपबिती सांगितली.याप्रकरणी तक्रारीनंतर काल,शुक्रवारी कोरची पोलिस ठाण्यात आरोपी मनिष भोयर याच्यावर गुन्हा दाखल करुन अटक करण्यात आली. घटने प्रकरणी उपविभागीय पोलिस अधिकारी रवींद्र भोसले यांच्या मार्गदर्शनात कोरची पोलिस ठाण्याचे पोलीस निरीक्षक शैलेंद्र ठाकरे पुढील तपास करीत आहेत.