शौचास गेलेल्या तरुणीवर अतिप्रसंग करण्याचा प्रयत्न.. – मारहाणीच्या जखमा; नागपूरला हलविले..

गडचिरोली :-गावशेजारील परिसरात सायंकाळच्या सुमारास शौचास गेलेल्या एका २३ वर्षीय तरुणीवर अतिप्रसंग करून मारहाण केल्याने तरुणी बेशुध्दावस्थेत आढळून आल्याची घटना काल रविवारी सायंकाळच्या सुमारास गडचिरोली तालुक्याच्या चामोर्शी मार्गावरील शिवणी गावात उघडकीस आली.प्रकरणी अज्ञात इसमाने अत्याचार करण्याचा प्रयत्न केला असावा,असा प्राथमिक अंदाज गडचिरोली पोलिसांनी व्यक्त केला आहे.

माहितीनुसार,गडचिरोली तालुक्याच्या शिवणी गावातील २३ वर्षीय काल रविवारी सायंकाळी गावशेजारील परिसरात शौचास गेली होती.परंतु बराच वेळ होऊनही ती घरी परतली नसल्याने घरच्यांनी शोध घेण्याचा प्रयत्न केला असता,ती रस्त्याच्या कडेला शेतात बेशुध्दावस्थेत आढळून आली.अशातच तरुणीच्या डोळ्याखालील भागावर व्रण तसेच शरीरावर जखमा दिसून आल्याने तिला गडचिरोली जिल्हा सामान्य रुग्णालयात दाखल करण्यात आले.सदर तरुणी ही शारीरिकदृष्ट्या कमकुवत आहे.गडचिरोली रुग्णालयात प्राथमिक उपचारानंतर प्रकृती गंभीर असल्याने तिला नागपूरला हलविण्यात आले आहे.घटनेची माहिती मिळताच गडचिरोली पोलिस ठाण्याचे ठाणेदार रेवचंद सिंगनजुडे यांनी रुग्णालयात जाऊन माहिती घेत पुढील तपास सुरू केला आहे.