उद्रेक न्युज वृत्त
गडचिरोली :- गडचिरोली गोकुलनगर वार्ड क्र.२३ स्थित दिव्यांग बांधव मुकुंदराव नारायण उंदिरवाडे यांची चुरचुरा ग्रामपंचायती अंतर्गत येणाऱ्या महादवाडी येथील शेत जमिनीमध्ये चुरचुरा ग्रामपंचायत पदाधिकाऱ्यांनी दिव्यांगत्वाचा व वयोवृध्दाचा फायदा घेऊन विनापरवानगी बळजबरीने विहीर बांधकामाचे खोदकाम करीत असल्याने ते त्वरीत बंद करून त्यावर कार्यवाही करण्या संबंधाने तहसीलदार गडचिरोली,संवर्ग विकास अधिकारी पंचायत समिती गडचिरोली,ठाणेदार पोलीस स्टेशन गडचिरोली यांना उंदीरवाडेंनी तक्रार करून संबंधितांवर कार्यवाहीची मागणी पत्रकाद्वारे केली आहे.
मुकुंदराव उंदिरवाडे यांनी दिलेल्या पत्रकात म्हटले आहे की,३० मार्च २०२३ रोजी सरपंच ग्रामपंचायत चुरचुरा यांनी तुमच्या शेताला लागून विहीरीच्या बांधकामाकरीता खोदकाम करीत आहोत; असे फोनवरून सांगितले.३१ मार्च २०२३ ला सकाळुन माझा पुतण्या कैलास उंदिरवाडे रा.साखरा, यांना घेऊन प्रत्यक्ष जाऊन पाहीले असता भूमापन क्र. ४१/१ आराजी २.३७ हे.आर महादवाडी येथील माझे शेतात विहीरीच्या बांधकामाचे खोदकाम केल्याचे दिसुन आले.त्यामुळे माझे नुकसान झालेले आहे.माझी कोणतीही पूर्व परवानगी न घेता स्वतः च्या मनमर्जीप्रमाणे,बेजबाबदारीने वयोवृध्वाचा व दिव्यांगत्वाचा फायदा घेऊन बळजबरीने माझे शेतात विहीर बांधकामाचे खोदकाम केलेले आहे.
याची त्वरीत विनाविलंब कार्यवाही करून बांधकाम बंद करण्यांत यावे.दिव्यांगाचा व वयोवृध्दाचा फायदा घेऊन माझ्या मालमत्तेचा नुकसान करणाऱ्या सरपंच,उपसरपंच व सचिव ग्रामपंचायत चुरचुरा यांचेवर दिव्यांग व्यक्तीचा कायदा २०१६ व आपले अंतर्गत असलेल्या कायद्याप्रमाणे त्यावर कार्यवाही करण्यात यावी व दिव्यांग व्यक्तींना व वयोवृध्दांना सन्मानाने जगण्याचा व त्याचे मालमत्तेच्या संरक्षणाचा न्याय मिळवून देण्यात यावा; अशी मागणी दिलेल्या पत्रकात उंदीरवाडे यांनी केली आहे.
