उद्रेक न्युज वृत्त
चंद्रपूर :- अवैधरित्या गौण खनिजाचे उत्खनन करून वाहतूक करणाऱ्या वाहनावर दंडात्मक धडक कारवाई कोरपनाचे तहसीलदार रणजित यादव यांनी केली. यात चार हायवा,पाच ट्रॅक्टर याचा समावेश आहे.चार हायवा कडून एकूण १० लाख ६२ हजार तर पाच ट्रॅक्टरकडून एकूण ५ लाख ७८ हजार असा १६ लाख ४० हजारांचा दंड प्रस्तावित करून आकारण्यात आला.यामध्ये जी आर एन्फ्रा कंपनीचे दोन हायवा हे नियमबाह्यरीत्या रात्री मुरुमाची वाहतूक करताना तर इतर दोन हायवा व ट्रॅक्टर हे वाहन रेतीची वाहतूक करताना पकडले. ही कारवाई कोडशी,गडचांदूर येथे करण्यात आली.कोडशी येथील कारवाई ही मोठ्या शिताफिने करण्यात आली.ही कारवाई तहसीलदारांनी तस्करांना चांगलाच गुंगारा देत नियमित मार्ग व वाहन बदलून गनिमी रीतीने पकडली.या कारवाईमुळे अवैधरित्या गौण खनिज उत्खनन करून वाहतूक करणाऱ्याचे चांगलेच धाबे दणाणले आहे. परीविक्षाधीन आयएएस तहसिलदार रणजित यादव यांनी त्यांच्या नियुक्ती नंतर अवघ्या पंधरा ते वीस दिवसांच्या कालावधीत ही धडक कारवाई करून तस्करीवर चांगलाच आळा बसवला आहे.
