राज्यस्तरीय ग्राहक समिती पुरस्कार वितरण सोहळा मोठ्या थाटात संपन्न…

उद्रेक न्युज वृत्त :-कोल्हापूर येथे राज्यस्तरीय ग्राहक समिती पुरस्कार वितरण सोहळा नुकताच मोठ्या थाटामाटात पार पडला.प्रसंगी ग्राहक हक्क जागृतीसाठी उल्लेखनीय कार्य करणाऱ्या विविध कार्यकर्त्यांचा व पदाधिकाऱ्यांचा गौरव करण्यात आला.या भव्य कार्यक्रमाच्या अध्यक्षस्थानी अशोक पोतनीस हे होते.तर मुख्य अतिथी म्हणून कोल्हापूर जिल्हा पुरवठा अधिकारी मनीषा चव्हाण,तसेच करवीरचे नायब तहसीलदार भालचंद्र यादव यांची उपस्थिती लाभली.कार्यक्रमाचे उद्घाटन डॉ.मनोहर सरनाईक व प्रसिद्ध उद्योजक मनियार यांच्या हस्ते करण्यात आले.ग्राहक समितीचे महाराष्ट्र प्रदेशाध्यक्ष तानाजीराव गुंड,प्रदेश कार्याध्यक्ष सतीश कुमार बुरगुटे, सोलापूर जिल्हाध्यक्ष संतोष कोल्हलाळ,युवक अध्यक्ष नाना मोरे,बार्शीचे उपसरपंच जनक कुरुंद,तसेच प्रदेश संघटक सुकुमार पाटील,पश्चिम महाराष्ट्र अध्यक्ष मुस्ताक मिस्त्री,कोल्हापूर जिल्हाध्यक्ष रमेश रेवणकर यांनी उपस्थित राहून कार्यक्रमाला अधिक भारदस्त स्वरूप दिलेत.यात महिला आघाडीचा देखील भक्कम सहभाग दिसून आला.महिला प्रदेश कार्याध्यक्ष रोहिणी पराडकर,महाराष्ट्र महिला प्रदेशाध्यक्ष मेघाताई क्षीरसागर,कोल्हापूर जिल्हाध्यक्ष दगडू खोत, कोल्हापूर शहराध्यक्ष महिला आघाडी अपर्णा पाटील, तसेच वंदना घाटे यांनी महिला प्रतिनिधी म्हणून कार्यक्रमात भाग घेतला.करवीर तालुकाप्रमुख राजू कंटीकर,करवीर भाजप युवा नेते,कणेरी ग्रामपंचायतीचे सदस्य गिरीश बुजरे तसेच आरपीआय युवा नेते प्रदीप ढाले यांची देखील उल्लेखनीय उपस्थिती होती.या कार्यक्रमात राज्यभरातून आलेल्या कार्यकर्त्यांचा सन्मान करण्यात आला.ग्राहक हक्क रक्षणासाठी झटणाऱ्या या सर्वांचा गौरव करतांना त्यांच्या कार्याची दखल घेतली गेली.कार्यक्रमामध्ये ग्राहकांचे प्रश्न,जागरूकता आणि भविष्यातील उपक्रम यावर चर्चासत्रे देखील घेण्यात आली.दीपक पवार यांनी सुंदर शैलीमध्ये सूत्रसंचालन केले.कार्यक्रमाच्या यशस्वी आयोजनासाठी ग्राहक समितीचे सर्वच पदाधिकारी आणि कार्यकर्ते यांनी अथक परिश्रम घेतले.या सोहळ्याने ग्राहक चळवळीला एक नवी दिशा देत संपूर्ण राज्यभरात जनजागृतीचा संदेश दिला.