उद्रेक न्युज वृत्त
भंडारा :- तुमसर तालुक्यातील आंबागड क्षेत्रातील वनविभागाच्या भूमापन क्रमांक- ५७३, खाते क्रमांक- १०२०५ येथील शासकीय झुडपी जंगल राखीव वनात बघेडाचे सरपंच वसंत हरीराम तरटे यांनी पदाचा दुरुपयोग करून ५ वर्षांपासून ०.४० हेक्टर आर मध्ये अतिक्रमण केले आहे.त्यांनी या जमिनीवर ट्रॅक्टरने चिखलनी करून धान पिकाची लागवड केली आहे. त्यांच्या विरोधात जिल्हाधिकारी कार्यालयातील महसूल विभागाच्या उपजिल्हाधिकारी शारदा जाधव आणि वनविभागाचे जिल्हा उपवनसंरक्षक राहुल गवई यांच्याकडे लेखी तक्रार दाखल करण्यात आली आहे.
गर्रा बघेडा येथील शेतकरी कृष्णा अडगुळकर, धनराज ठाकूर,विनोद सोनवाने व पं.स.चे सदस्य राजेश ठाकूर यांच्या मौकास्थळी पंचनामा करून स्थानिक शेतकऱ्यांच्या बायान नोंदवले जाणार असल्याची माहिती तहसीलदार व वनपरिक्षेत्र अधिकाऱ्यांनी दिली आहे.महाराष्ट्र जमीन महसूल १९६६ चे कलम ५३,५४ (अ) आणि भारतीय वन अधिनियम १९२७ चे कलम २६,३३,६३ व वन्यजीव (संरक्षण) अधिनियम १९२७ कलम ३४ अव वनसंवर्धन अधिनियम १९८० कलम २ अन्वये अतिक्रमणधारक सरपंच वसंत हरीराम तरटे यांच्यावर कारवाई करून महसूल अतिक्रमण कायदाअंतर्गत शासन नियमानुसार सरपंच पदावरून अपात्र करून कायदेशीर कारवाई करण्याची मागणी केली.त्यामुळे गर्रा बघेडा गावात खळबळ माजली आहे.याप्रकरणी तुमसरच्या तहसीलदरांनी तालुका मंडळ अधिकारी आणि वनपरिक्षेत्र अधिकाऱ्यांना तातडीने प्रत्यक्ष मौकास्थळी जाऊन पंचनामा करण्याचे निर्देश दिले आहे.त्यामुळे आता येथे संबंधित अधिकाऱ्यांकडून कोणत्या प्रकारे तपास केले जाणार हे काही दिवसांत कळणार आहे.
