मुलाने आई म्हणून हाक मारली; पण ती उठलीच नाही.. – शेवटी पोलिसांना केले पाचारण..

नागपूर :-मुलगा आणि सून तीन दिवसांपूर्वी काही कामानिमित्त मुंबईला गेले होते.मुंबईहून आज शुक्रवारी दोघेही घरी परतले असता,घराचा दार उघडा दिसला. मुलाने आई म्हणून हाक मारली; पण ती उठलीच नाही. त्यामुळे तो आत गेल्यावर घरातील हॉलमध्ये बेडवर आई झोपलेली आढळून आली.त्याने तिला उठविण्याचा प्रयत्न केला,पण ती निपचित पडलेली होती आणि तिचा हात थंडगार असल्याचे आढळून आले.त्यानंतर बघतोय तर काय ती मृतावस्थेत असल्याची माहिती समोर आली. प्रकरणी मुलाने पोलिसांना पाचारण केल्याची घटना आज,शुक्रवार १० ऑक्टोंबर रोजी सकाळच्या सुमारास नागपूर शहराच्या वाठोडा पोलिस ठाण्याच्या हद्दीतील सेनापतीनगरात उघडकीस आली.सुनीता भोयर वय ५५ वर्षे, रा.सेनापतीनगर,नागपूर असे मृतावस्थेत आढळून आलेल्या महिलेचे नाव असून पती काही वर्षांपूर्वी मरण पावल्याने ती मुलगा आणि सुनेसह सेनापतीनगरात राहते.मंगळवार ७ ऑक्टोंबर २०२५ रोजी मुलगा आणि सून काही कामानिमित्त मुंबईला गेले होते.त्यामुळे सुनीता या एकट्याच घरी होत्या.आज शुक्रवारी मुलगा आणि सून घरी परतल्या असता सुनीता ह्या घरातील हॉलमध्ये बेडवर निपचित पडून मृत आढळून आल्याने मुलाने वाठोडा पोलिसांना माहिती दिली.त्यानुसार वाठोडा पोलीस ठाण्याचे एपीआय संतोष सपाटे पोलीस पथकासह घटनास्थळी दाखल होत पंचनामा करीत मृतदेह उत्तरीय तपासणीसाठी पाठवला.उत्तरीय तपासणी अहवालावरून प्रकरणाचा खुलासा होणार आहे.तत्पूर्वी प्राथमिक तपासणीत पोलिसांनी आकस्मिक मृत्यूची नोंद केली आहे.