उद्रेक न्युज वृत्त
देसाईगंज(गडचिरोली) :- देसाईगंज तालुक्याच्या कोंढाळा येथे आज डॉ.बाबा साहेब आंबेडकरांच्या १३३ व्या जयंती दिनाचे औचित्य साधून कोंढाळा गावातील भारतीय जनता पक्षाच्या माजी महिला व बालकल्याण सभापती जिल्हा परिषद गडचिरोली रोषणीताई पारधी व सहकाऱ्यांनी पुढाकार घेऊन उन्हा-तान्हात डीजेच्या तालावर थिरकणाऱ्या बौद्ध उपासक,उपासिका,महिला मंडळ तसेच लहानांपासून तर थोरांपर्यंतच्या आंबेकरी अनुयायांसाठी गावातील ग्रामपंचायत नजिक शरबतचे वाटप करण्यात आले आहे.
बी.आर.आंबेडकर यांनी केवळ दलीत,शोषित तसेच वंचितांचाच उद्धार केला नसून ते सर्वांसाठी झटले.आज त्यांची १३३ वी जयंती केवळ भारत देशात साजरी होत नसून अनेक देशांमध्ये त्यांनी केलेल्या कार्याचा तसेच सिद्धांतांचा उलगडा करून सर्वत्र जयंती मोठ्या उत्साहात साजरी करण्यात येत आहे.तशाच प्रकारची जयंती मोठ्या उत्साहात कोंढाळा येथे बौद्ध बांधवांच्या उपस्थितीत साजरी करण्यात आली आहे.आज दिनांक-१४ एप्रिल रोजी सकाळच्या सुमारास भव्य रॅलीचे आयोजन करण्यात आले.राहुल बौद्ध विहारापासून ते संपूर्ण गावामध्ये डॉ.आंबेडकर जयंती निमित्ताने आनंदाच्या वातावरणात डीजेच्या तालावर तसेच समता सैनिक दल यांच्या रेप-राईट व शिस्तबध्द पद्धतीने कार्यक्रम शांततेत पार पडला.अशातच माजी महिला व बालकल्याण सभापती रोषणीताई पारधी यांच्या हस्ते डॉ.आंबेडकर जयंती निमित्ताने शरबतचे वाटप करून एक अनोखा आदर्श निर्माण करण्यात आला असल्याने त्यांचे व सहकाऱ्यांचे सर्वत्र प्रशंसा व कौतुक करण्यात येत आहे.
प्रसंगी रोशनीताई पारधी,प्रशांत भाऊ मंडपे,कांतीलाल शेंडे,प्रफुल मेश्राम, भागवत मेश्राम,प्रशिक मेश्राम,प्रकाश बेदरे,एकनाथ राऊत,नाना मेश्राम,नाना दिघोरे,नंदिनी वाढई,ताराबाई ढोरे,शारदा दिघोरे,सचिन कुंभरे इत्यादींनी सहकार्य केले.
