बाप लेकात किरकोळ वाद; दगड मारल्याने बापाचा मृत्यू…

उद्रेक न्युज वृत्त 

सिंदेवाही(चंद्रपूर) :- हद्दीतील मौजा-वासेरा येथील एका मुलाने आपल्या वडिलांना दगड मारून गंभीर जखमी केले.त्यांना रुग्णालयात नेत असताना वाटेतच त्यांचा मृत्यू झाला.ही घटना सोमवारी २२ जुलै रोजी दुपारच्या सुमारास घडली.आरोपी अमीत रामटेके वय २४ वर्षे,रा.आंबेडकर चौक वासेरा याने जन्मदात्या पित्याला दगड मारून गंभीर जखमी केले.वडीलाने दारू पिण्यासाठी पैसे न दिल्यामुळे त्या दोघांमध्ये वाद झाला.या वादाचे रुपांतर मारहाणीत झाले.

गंभीर जखमी झालेल्या अशोक रामटेके वय ४५ वर्षे यांना सिंदेवाही पोलिस,गावातील तरूण व नातेवाईकांनी दवाखान्यात नेण्यासाठी अनेक प्रयत्न केले.मात्र,पावसाच्या पाण्याने अनेक मार्ग बंद असल्याने दवाखान्यात पोहोचण्या आधीच अशोक यांचा मृत्यू झाला.अमीत याला पोलिसांनी ताब्यात घेतले असून पुढील तपास सिंदेवाही पोलिस करीत आहेत.