बापरे..! तरुणाने स्टेट बँक ऑफ इंडियाच्या शाखेतून फिल्मी स्टाईलने पळवली रोकड.. – बँक कर्मचाऱ्यांच्या डोळ्यात फेकली मिरची पूड; व्हिडिओ व्हायरल..

नागपूरच्या सक्करदरा परिसरातील स्टेट बँक ऑफ इंडियाच्या शाखेतील कर्मचारी नेहमीप्रमाणे कामे करीत बसली होती.सायंकाळी ४ वाजताच्या दरम्यान बँकेतील कर्मचारी कामात व्यस्त असतांनाच आरोपी तरुण बँकेत शिरला आणि कॅश काऊंटरवर जाताच त्याने लाल मिरचीची पूड काढली आणि क्षणाचाही विलंब न लावता समोर उभ्या असलेल्या कर्मचाऱ्यांच्या डोळ्यांत फेकायला सुरुवात केली.अचानक घडलेल्या प्रसंगाने कर्मचाऱ्यांनी पळापळी सुरू केली.याचवेळी आरोपीने कॅश काऊंटरवरील ४ लाख ५३ हजाराची रोकड पळवून नेली.घटनेनंतर बँक कर्मचाऱ्यांनी तातडीने सक्करदरा पोलिसांना माहिती दिली.पोलिस पथक काही मिनिटांत घटनास्थळी पोहोचले.कर्मचाऱ्यांकडून आरोपीचे वर्णन मिळताच डीबी पथकांसह बीट मार्शलना शोधासाठी रवाना केले.बँकेतील आणि बाहेरचे सीसीटीव्ही फुटेज तपासून आरोपीचा शोध सुरू केला.दरम्यान,परिसरात नाकेबंदी करून पेट्रोलिंग पथकांना हाय-अलर्ट देण्यात आला आणि आरोपीला अटक करण्यात आली व त्याच्याकडून लुटीची रोकडही जप्त केली.या थरारक घटनेने परिसरात एकच खळबळ उडाली असून याबाबतचा व्हिडिओ व्हायरल झाला आहे.

• व्हायरल व्हिडिओ👇