प्रेम भंग; विवाहित पुरुषाने गळफास लावून केली आत्महत्या..

भंडारा :-एका ४५ वर्षीय विवाहित पुरुषाचा पत्नी व्यतिरिक्त दुसऱ्याच तरुणीशी सुत जुळला.दोघेही एकमेकांवर जीवापाड प्रेम करू लागले.तब्बल दीड वर्ष प्रेमप्रकरण बहरून आला.अश्यातच गेल्या एका महिन्यापासून त्यांच्यात दुरावा निर्माण झाला.दुराव्यामुळे त्याची मानसिक स्थिती ढासळली आणि घरापासून अवघ्या दोन किलोमिटर अंतरावर असलेल्या करडी शेत शिवारातील कसईच्या झाडाला लालसर रंगाच्या ओढणीने स्वतःला गळफास लावून आत्महत्या केली. श्रीकांत भाऊराव बोरकर वय ४५ वर्षे,रा.जांभोरा, ता.मोहाडी,जि.भंडारा असे आत्महत्या केलेल्या विवाहित पुरुषाचे नाव आहे.विशेष म्हणजे,आत्महत्येपूर्वी त्याने आपली सुसाईड नोट स्टेटसवर ठेवत अनेकांच्या मोबाइलवर पाठवली.ज्यात,माझ्या मृत्यूला प्रेयसीच कारणीभूत आहे; ज्या ओढणीने त्याने मृत्यूला कवटाळले,तीच ओढणी अंत्यसंस्कारापर्यंत अंगावर असावी,अशी करुण अंतिम इच्छा त्याने व्यक्त केली,नंतर पोलिसांनी ती सुसाईड नोट जप्त केली.सदरची घटना काल मंगळवारी सर्वत्र उघडकीस आल्याने परिसरात एकच खळबळ उडाली.घटनेची माहिती मिळताच करडी पोलिसांनी घटनास्थळाचा पंचनामा करून मृतदेह शवविच्छेदनासाठी तुमसर येथे पाठवला.या प्रकरणी ठाणेदार गोरक्षनाथ नागलोत यांच्या मार्गदर्शनाखाली पीएसआय हनुमंतराव फरताडे,हवालदार प्रफुल्ल वालदे पुढील तपास करीत आहेत.मृतक श्रीकांतच्या

पश्चात पत्नी,एक मुलगा आणि एक मुलगी असा परिवार आहे.त्याने परिवाराचा विचार न करता परस्त्रिसाठी एवढे मोठे टोकाचे पाऊल उचलल्याने बोरकर कुटूंबीय शोकसागरात बुडाला आहे.