नागपूर पोलिसांनी रेशनच्या चार हजार किलो तांदळाचा काळाबाजार करतांना केली अटक…

उद्रेक न्युज वृत्त

नागपूर :- नागपूरच्या कळमना पोलिसांनी रेशनच्या चार हजार किलो तांदळाची काळाबाजार करताना दोन आरोपींना अटक केली आहे.एका बोलेरो गाडीमधून याची वाहतूक केली जात होती.

कळमना पोलीस स्टेशन हद्दीत चिखली मार्गावर  पिकअप गाडी बंद पडली असल्याने त्या ठिकाणी गस्तीवर असलेल्या पोलिसांनी त्यांची चौकशी केली असता गाडीमध्ये तांदूळ असल्याचे निदर्शनास आले. यावरून पोलिसांनी वाहन चालकाला बिल संबंधित विचारणा केली असता त्याच्याकडे कुठलेही बिल आढळून आले नाही व गोडाऊनमधून भरून मार्केटमध्ये नेत असल्याचे त्यांनी सांगितले.पोलिसांनी चौकशी केली असता सदर तांदूळ रेशनिंगचा असल्याने काळाबाजारातील असल्याचे निदर्शनास आल्याने दोन आरोपींना अटक करण्यात आली.