दोन वेगवेगळ्या चकमकीत ३० नक्षलवादी ठार तर एक जवान शहीद…

उद्रेक न्युज वृत्त :-छत्तीसगडमध्ये सुरक्षा दलास मोठे यश आले असून आज,गुरुवारी २० मार्च रोजी सुरक्षा दल आणि नक्षलवाद्यांमध्ये दोन वेगवेगळ्या ठिकाणी

झालेल्या चकमकीत तब्बल ३० नक्षलवादी ठार झाल्याने नक्षली संघटनेस मोठा हादरा बसला आहे. अशातच झालेल्या चकमकी दरम्यान एका जवान शहीद झाला आहे.

छत्तीसगडच्या बिजापूर आणि दंतेवाडाच्या सीमेवरील वनक्षेत्र असलेल्या गंगलूर पोलिस स्टेशन परिसरातील तोडका आंद्री जंगलात नक्षलवादी आणि सुरक्षा दल यांच्यात चकमक उडाली.चकमकीत बिजापूर डीआरजीचा एक सैनिक शहीद झाला तर चकमकीत २६ नक्षलवादी ठार झाले.चकमकीच्या ठिकाणाहून २६ नक्षलवाद्यांचे मृतदेह आणि मोठ्या प्रमाणात शस्त्रे आणि दारूगोळा जप्त करण्यात आला आहे.तर दुसऱ्या घटनेत छत्तीसगडच्या कांकेर जिल्ह्यात सुरक्षा दलांनी ४ नक्षलवाद्यांचा खात्मा केला आहे.दोन्ही ठिकाणी मोठ्या प्रमाणावर शस्त्रसाठा आणि दारूगोळा जप्त करण्यात आला आहे.सदरच्या दोन्ही कारवाईने नक्षलींना मोठा हादरा बसून नक्षलवादाचा काही अवधीत बीमोड होण्याची शक्यता वर्तविण्यात येत आहे.