ट्रकच्या धडकेत दुचाकीस्वार युवक जखमी.. – कोंढाळा येथील युवकाचा पाय मोडला..

देसाईगंज(गडचिरोली):-देसाईगंज तालुक्याच्या कोंढाळा येथील दुचाकीस्वार युवकास ट्रकने धडक देत ट्रॅकचा चाक पायावरून गेल्याने घडलेल्या अपघातात युवकाचा उजवा पाय मोडला असल्याची घटना आज,शुक्रवारी १३ डिसेंबरला सायंकाळी ६ वाजेच्या सुमारास घडली.विक्की रमेश झिलपे वय २८ वर्षे रा.कोंढाळा,ता.देसाईगंज,जि.गडचिरोली असे अपघातात जखमी झालेल्या युवकाचे नाव आहे.

मिळालेल्या माहितीनुसार,विक्की झिलपे हे दुचाकीने आपल्या स्वगावाहून सायंकाळच्या सुमारास देसाईगंजला काही कामानिमित्त जाण्यास निघाले होते.अशातच कोंढाळा-देसाईगंज मार्गावरील कुरुड फाट्या नजिक देसाईगंजवरून भरधाव वेगाने येणाऱ्या ट्रकने दुचाकीला धडक दिली.यात विक्की झिलपे हे दुचाकीसह रस्त्यावर पडले.रस्त्यावर पडताच ट्रॅकचा चाक पायावरून गेल्याने उजव्या पायाची हड्डी मोडून काहीसा भाग लटकलेल्या अवस्थेत झाल्याचे प्रत्यक्षदर्शींनी सांगितले.घटना घडताच ट्रकने घटनास्थळावरून पोबारा केला.घटनेची माहिती देसाईगंज पोलीस ठाण्यास देण्यात आली.त्यानुसार पोलिसांनी आरमोरी पोलिसांशी संपर्क साधून

ट्रकला आरमोरी शहरात पकडून ठाण्यात जमा केले आहे.विक्की झिलपे यांना पुढील उपचारासाठी ब्रम्हपुरीच्या खासगी रुग्णालयात दाखल करण्यात आले असून पाया व्यतिरिक्त कुठेही मार न लागल्याने प्रकृती स्थिर आहे.