चेक बाऊन्स कराल तर जेलची हवा खाणार; चेक बाऊन्स केल्याने एकास सहा महिन्यांचा कारावास..

गोंदिया :-चेक बाऊन्सप्रकरणी देवरी येथील दिवाणी न्यायाधीश व प्रथम श्रेणी न्यायदंडाधिकारी यांनी आरोपीला सहा महिन्यांचा कारावास व १ लाख ८० हजार रुपयांचा दंड ठोठावला आहे.राजकुमार मेश्राम असे न्यायालयाने शिक्षा व दंड ठोठावलेल्या आरोपीचे नाव आहे.

देवरी येथील व्यापारी विनोदकुमार अग्रवाल यांचे घर बांधण्याचा करारनामा कंत्राटदार राजकुमार मेश्राम यांनी केला होता.पण मेश्राम याने करारनाम्यानुसार काम केले नाही.तसेच अग्रवाल यांच्याकडून अधिकचे पैसे घेऊन मध्येच काम सोडून दिले.करारनाम्यानुसार मेश्राम यांनी काम न केल्याने अग्रवाल यांनी राजकुमार मेश्राम यांना पैसे परत मागितले असता मेश्राम याने अग्रवाल यांना चेक दिला.पण तो चेक बँकेत जमा केला असता दिलेला चेक बाऊन्स झाला.याप्रकरणी विनोदकुमार अग्रवाल यांनी देवरी येथील दिवाणी न्यायालयात याचिका दाखल केली. याप्रकरणाची सुनावणी करतांना सर्व पुराव्यांची पडताळणी करून देवरी येथील दिवाणी न्यायाधीश व प्रथम श्रेणी न्यायदंडाधिकारी यांनी आरोपी राजकुमार मेश्राम याला सहा महिन्यांचा कारावास व १ लाख ८० हजार रुपयांचा दंड ठोठावला आहे. या प्रकरणात फिर्यादी विनोदकुमार अग्रवाल यांच्याकडून ॲड. भूषणकुमार मस्करे,ॲड.प्रीती मस्करे,ॲड.सयोग बन्सोड,ॲड.रेश्मा माहुलकर यांनी बाजू मांडली.