घर बांधणे झाले महाग; लोहा,सिमेंट,विटा अन् रेतीचे भाव कडाडले..

उद्रेक न्युज वृत्त :-बांधकाम साहित्यांच्या वाढत्या किमतींमुळे लोकांच्या बजेटवर मोठा ताण आल्याचे चित्र आहे.यामुळे सर्वसामान्यांना घर बांधणे कठीण झाले आहे.लोहा,सिमेंट,विटा अन् रेतीचे भाव कडाळल्याने एका खोलीचे बांधकाम करणेही अवघड झाले आहे. विशेष म्हणजे,४०० फुटी डम्परची रेती ही २५,००० रुपयांवर पोहोचली आहे.आठवडाभरापूर्वी ३०० रुपये प्रति बॅग असलेली सिमेंट आता ३२० रुपयांवर पोहोचली आहे.लोखंडाचे भावही ५६ ते ५८ रुपये प्रति किलोवर पोहोचले आहेत.विटांचे भाव तर काही खरे नाही.सिमेंट आणि लाल विटा खरेदी करतो म्हटले तर १२ हजार रुपयांपासून ते १५ हजार रुपयांची एक ट्रीप होत असल्याने नुसता शौचालय आणि स्नानगृहाचेच बांधकाम करतो म्हटले तर लाखो रुपयांचा खर्च येतो आहे.त्यामुळे, कोणतेही बांधकाम करायचे झाले तर ‘कठीण आहे बाबा’ अशी म्हणण्याची वेळ आली आहे.त्यातच,घरकुल बांधकाम धारकांनी ‘काहीही होवून जावो’ असे म्हणत उसनवारी घेऊन बांधकामे पूर्ण करण्याचा सपाटा जरी चालवला असला तरीही बांधकाम साहित्यांच्या वाढत्या दराने अनेकांचे कंबरडे मोडले आहे.त्यामुळे,सरकारने याकडे लक्ष देण्याची गरज व्यक्त केली जात आहे.