कोंढाळा पीएम श्री जिल्हा परिषद‌ उच्च प्राथमिक शाळेत ‘खरी कमाई-बाल आनंद मेळावा’ संपन्न..

कोंढाळा(गडचिरोली):-शालेय विद्यार्थ्यांना

व्यवसायाबद्दल माहिती व्हावी व व्यवसायातून गोळा केलेल्या पैश्याचे नियोजन करून श्रमाचे महत्व कळावे,या उदात्त हेतूने देसाईगंज तालुक्याच्या

कोंढाळा पीएम श्री जिल्हा परिषद‌ उच्च प्राथमिक शाळेच्या वतीने ‘खरी कमाई-बाल आनंद मेळावा’ आज,शनिवार २१ डिसेंबरला सकाळच्या सुमारास शालेय विद्यार्थी,ग्रामपंचायतीच्या सरपंचा अपर्णा राऊत,शाळा व्यवस्थापन समितीचे अध्यक्ष सुनील पारधी,उपाध्यक्ष पवन खोब्रागडे,माजी सैनिक तथा पोलीस कर्मचारी देविदास नागोसे,पालक देवराव बुराडे सह गावातील प्रतिष्ठित नागरिक,शाळेतील संपूर्ण शिक्षकवृंद यांच्या प्रमुख उपस्थितीत पार पडला.

आज शनिवारी राबविण्यात आलेल्या ‘खरी कमाई-बाल आनंद मेळावा’ उपक्रमात शालेय विद्यार्थ्यांनी सकाळच्या सुमारास घरून बनवून आणलेल्या विविध खाद्यपदार्थांचे शाळेच्या आवारात स्टॉल लावण्यात आले होते.लावण्यात आलेल्या स्टॉलमध्ये खमण ढोकळा,पुरी भाजी,चिवडा, चना उसळ,गोड मिठाई व इतर अश्या एकूण २७ विविध प्रकारच्या खाद्यपदार्थांचा समावेश होता.५ रुपयांपासून ते आस्वाद घेण्यापर्यंत खाद्यपदार्थांची खरी कमाई ठरविण्यात आली होती.सर्वप्रम शाळा व्यवस्थापन समितीचे अध्यक्ष सुनील पारधी यांनी खाद्यपदार्थांचा आस्वाद घेत विद्यार्थ्यांशी हितगुज साधून खाद्यपदार्थांविषयी माहिती जाणून घेतली.त्यानंतर उपस्थित मान्यवरांनी विविध प्रकारच्या खाद्यपदार्थांचा आस्वाद घेत विद्यार्थ्यांचा आनंद द्विगुणित केला.सदर उपक्रमाच्या यशस्वीेतेकरिता शाळेतील संपूर्ण शिक्षकवृंदांनी सहकार्य करून ‘खरी कमाई-बाल आनंद मेळावा’ मोठ्या उत्साहात संपन्न झाला.