उद्रेक न्युज वृत्त
कुरुड :- नवतरुण युवक मंडळ बळीराजा चौक,सुभाष वार्ड कुरुड यांच्या वतीने शिवजयंती महोत्सव येत्या १९ फेब्रुवारी रोजी साजरा करण्यात येणार आहे.सदर शिवजन्मोत्सव १७ ते २० फेब्रुवारी दरम्यान होणार असून १८ फेब्रुवारी रोजी सकाळी ७.००वाजता स्वच्छता अभियान दुपारी १२.३० महाशिवरात्रि घटस्थापना महादेव मंदिर सुभाष वार्ड व नवीन पाण्याची टाकी रात्री ६.३०वाजता उद्घाटन सोहळा व बक्षीस वितरण लगेच शिवचरित्रावर शिवव्याख्याते हरिभक्त परायण कुमारी कांचनताई शिवानंद शेळके अमडापूर पो.कुरडी तालुका उमरखेड जिल्हा यवतमाळ यांचे सायंकाळी ८.३० वाजता व्याख्यानाचे आयोजन केलेले आहे.
कार्यक्रमाला उद्घाटक म्हणून विशेष उपस्थिती विजय भाऊ वडेट्टीवार माजी कॅबिनेट मंत्री तथा आमदार ब्रह्मपुरी निर्वाचन क्षेत्र, कुमारी शिवानीताई विजय भाऊ वडेट्टीवार महाराष्ट्र प्रदेश युवक सरचिटणीस,सहउद्घाटक महेंद्र ब्राह्मणवाडे अध्यक्ष,नामदेव उसेंडी प्रदेशाध्यक्ष आदिवासी विभाग महाराष्ट्र राज्य तथा माजी आमदार आणि निमंत्रित मान्यवर यांच्या उपस्थितीत कार्यक्रमाचे उद्घाटन पार पडणार आहे. शिवव्याख्यानाचा सर्व जनतेने लाभ घ्यावा; असे आवाहन आयोजकांनी केले आहे.
शिवजन्मोत्सवा दरम्यान १७ फेब्रुवारीला दुपारी २.५० ते ३.४०वाजता स्थळ जिल्हा परिषद हायस्कूल शाळा कुरुड तथा राधेश्याम बाबा विद्यालय कुरुड येथे सामान्य ज्ञान स्पर्धा आयोजित करण्यात आली आहे.१९ फेब्रुवारी सायंकाळी ४.०० वाजता शिवाजी महाराजांची भव्य दिव्य पालखी सोहळा व लगेच महाप्रसादाचा कार्यक्रम आयोजित करण्यात येणार आहे.२० फेब्रुवारी दुपारी १.०० वाजता महादेव मंदिर येथे जाहीर कीर्तन व गोपाल काला, सायंकाळी ४.००वाजता महाप्रसाद,सायंकाळी ६.०० वाजता सदर कार्यक्रमास जास्तीत जास्त शिवप्रेमींनी आपली उपस्थिती दर्शवावी; असे आयोजक मंडळांनी आवाहन केलेले आहे.
