आज डोंगरगाव-हलबी येथे एकल महिला मेळावा संपन्न..

देसाईगंज(गडचिरोली):-महाराष्ट्र राज्य ग्रामीण जीवनोन्नती अभियान अंतर्गत आज,बुधवार ९ सप्टेंबर रोजी देसाईगंज तालुक्याच्या गट ग्रामपंचायत डोंगरगाव-हलबी येथे परिसरातील चिखली रिट व अरततोंडी येथील एकल महिलांचा मेळावा संपन्न झाला.सदर मेळाव्यात एकल महिलांसाठी असणाऱ्या शासनाच्या विविध योजना,तसेच उमेद अभियानाअंतर्गत स्वयंसहायता समूहामध्ये समाविष्ट होऊन ग्राम संघामार्फत मिळणारा लाभ याबद्दल माहिती देण्यात आली.प्रसंगी मेळाव्यात उपस्थित एकल महिलांना एकल महिलांसाठी असणाऱ्या पशु संबंधीच्या योजनांची माहिती पशु व्यवस्थापक विनोद उरकुडे यांनी दिली.कार्यक्रमास अध्यक्ष म्हणून डोंगरगाव ग्रामपंचायतीचे माजी सरपंच तथा प्रशासक

 छगन चव्हारे होते,तर या एकल मेळाव्याचे उद्घाटन गीता धानगुणे अध्यक्ष ग्रामसंघ,डोंगरगाव यांचे हस्ते,तर गीता प्रधान सचिव ग्राम संघ,उर्मिला बाविस्कर चिखली यांच्या प्रमुख उपस्थितीत,प्रभाग समन्वयक भूमेष ठीकरे यांच्या मार्गदर्शनात पार पडले.कार्यक्रमाचे संचालन नीलिमा खरकाटे यांनी केले,तर प्रास्ताविक कृषी व्यवस्थापक प्रशांत मंडपे यांनी केले.उपस्थितांचे आभार वंदना नंदेश्वर यांनी मानले.कार्यक्रमाच्या यशस्वीतेसाठी वैशाली माटे, सरिता माटे,कविता खरकाटे,शाहिस्ता पठाण यांचेसह उमेदच्या महिलांनी सहकार्य केले.