अल्पवयीन विद्यार्थिनीवर अत्याचार; आरोपी फरार..

नागपूर :-एका २७ वर्षीय तरुणाने १७ वर्षीय अल्पवयीन विद्यार्थिनीवर अत्याचार केल्याची घटना कुटुंबीयांनी पोलीस ठाण्यात तक्रार दाखल केल्याने उघडकीस आली आहे.२७ वर्षीय वैभव सुनील सेलोकर रा.चंद्रमणीनगर, नागपूर असे आरोपीचे नाव असून गुन्हा दाखल होताच फरार झाला आहे.आरोपी  वैभव हा शेअर मार्केटमध्ये गुंतवणुकीचे प्रशिक्षण देतो.त्याची एका मित्राच्या माध्यमातून १७ वर्षीय विद्यार्थिनीशी ओळख झाली. त्यानंतर,अल्पवयीन विद्यार्थिनी वैभवच्या शेअर मार्केट शिकवणी वर्गात जाऊ लागली.त्यानंतर वैभवने मुलीशी जवळीकता साधत मैत्री केली.८ जून २०२५ रोजी वैभवने तिला फोन करून भेटायला बोलविले आणि शिकवणी वर्गात घेऊन गेला.तेथे त्याने तासभर तिच्यासह इतर मुलींना स्टॉक मार्केटबाबत माहिती दिली.क्लास आटोपल्यावर इतर मुली घरी परतल्या.त्यानंतर त्याने अल्पवयीन मुलीवर अत्याचार करून तिचे आक्षेपार्ह फोटो काढले.दरम्यान,मुलीच्या मोबाईलवर तिच्या कुटुंबीयांना आक्षेपार्ह फोटो आढळून आल्याने त्यांनी विचारणा केली असता सदरचा प्रकार उघडकीस आला. प्रकरणी कुटुंबीयांनी वर्धा येथे तक्रार दाखल केली.तेथून प्रकरण अजनी पोलिस ठाण्यात वर्ग होऊन पोलिसांनी गुन्हा दाखल करून पुढील तपास सुरू केला आहे.