अज्ञात तरुण आढळला गळफास घेतलेल्या अवस्थेत..

चंद्रपूर :-जिल्ह्याच्या बल्लारपूर-चंद्रपूर मार्गावरील बॉटनिकल गार्डन समोरील चुनाभट्टी जवळच्या जंगल परिसरात एक तरुण गळफास घेतलेल्या अवस्थेत आढळून आल्याने परिसरात एकच खळबळ उडाली. सदरची घटना काल शनिवारी स्वातंत्र्यदिनाच्या दिवशीच दुपाच्या सुमारास उघडकीस आली.घटनेची माहिती मिळताच बल्लारपूर पोलिसांनी घटनास्थळी धाव घेत मृतदेह ताब्यात घेऊन पुढील कार्यवाही सुरू केली. दरम्यान,मृत युवकाचे शव बल्लारपूर ग्रामीण रुग्णालयाच्या शवगृहात ठेवण्यात आले आहे.अज्ञात तरुणाची अद्याप ओळख पटलेली नसून तरुणाच्या खिशात रेल्वेचे तिकीट आढळून आले आहे.त्यानुसार, पोलिसांनी तपास सुरू केला आहे.मृतक तरुणाने स्वतः गळफास घेतला वा त्याला कुणी मारून त्या ठिकाणी फासावर लटकवले,हे अद्याप गुलदस्त्यात आहे.मात्र, तरुणाची ओळख पटविणे पोलिसांपुढे मोठे आव्हान आहे.महत्वाचे म्हणजे,मृतक तरुणाने एका झाडाला प्लास्टिकच्या दोरीने गळफास घेतला होता.त्यामुळे, परिसरात शंका-कुशंका वाढीस लागली आहे.परिसरात तसेच आसपासच्या भागात चौकशी करण्यात आली,मात्र अद्याप त्याची ओळख पटलेली नाही.