- Advertisement -
- Advertisement -
- Advertisement -
- Advertisement -
उद्रेक न्युज वृत्त
गडचिरोली :-शासनाने १० लाख रुपयांचे बक्षीस जाहीर केलेल्या दोन जहाल महिला नक्षल्यांनी गडचिरोली पोलिसांसमोर काल,बुधवारी ८ जानेवारीला आत्मसमर्पण केले.शामला झुरू पुडो उर्फ लीला कंपनी क्र.१० पीपीसीएम सेक्शन कमांडर वय ३६ वर्षे, रा. गट्टेपल्ली,ता.एटापल्ली व काजल मंगरू वड्डे उर्फ लिम्मी भामरागड दलम सदस्य वय २४ वर्षे,रा. नेलगुंडा, ता.भामरागड अशी आत्मसमर्पित नक्षल्यांची नावे आहेत.आत्मसमर्पण योजनेअंतर्गत आजपर्यंत एकूण ६९३ माओवाद्यांनी गडचिरोली पोलिस दलासमोर आत्मसमर्पण केले आहे.सदर माओवाद्याचे आत्मसमर्पण घडवून मुख्य प्रवाहात आणण्याबाबतची कारवाई पोलिस महानिरीक्षक (नक्षलविरोधी अभियान) नागपूर संदीप पाटील, पोलिस उपमहानिरीक्षक गडचिरोली परिक्षेत्र अंकित गोयल, पोलिस उपमहानिरीक्षक (अभियान) सीआरपीएफ अजयकुमार शर्मा,जिल्हा पोलिस अधीक्षक नीलोत्पल, कमांण्डट ११३ बटालियान सीआरपीएफ जसवीर सिंग यांच्या मार्गदर्शनाखाली पार पाडली.
- Advertisement -
