सावधान…! सायबर फसवणुकीचा वापर फेसबुक,इन्स्टाग्राम, टेलिग्राम,व्हॉट्सॲप,यूट्यूब,शेअरचॅट च्या माध्यमातून.. – कुठल्याही आमिषाला बळी पडू नये..

उद्रेक न्युज वृत्त :-सोशल मीडियाच्या माध्यमातून विविध प्लॅटफॉर्मवरून आकर्षक जाहिरात किंवा अन्य कोणत्याही मार्गाने आर्थिक फसवणूक होऊ शकते. त्यामुळे नागरिकांनी सजग राहून फसवणुकीपासून दूर राहणे आवश्यक आहे.शेअर मार्केट ट्रेडिंगमध्ये पैसे गुंतविल्यास एक महिन्यात दोनशे ते तीनशे टक्के नफा मिळेल,असे आमिष दाखवून लोकांना पैसे गुंतविण्यास भाग पाडले जाते.बनावट लिंकद्वारे व्हॉट्सॲप ग्रुपमध्ये ॲड करून मोठ्या कंपनीमध्ये शेअर दिल्याचे भासवतात. इन्स्ट्रा,फेसबुक,व्हॉट्सॲपवरून जास्त नफा कसा मिळते याबाबत खोटी कागदपत्रे व्हॉट्सॲप व सोशल मीडियावर पाठवून लोकांचा विश्वास संपादन करतात.

सुरुवातीला छोट्या रकमेचे मुद्दल व नफा कसे मिळते याबाबत माहिती देऊन लोकांचा विश्वास संपादन करतात.त्यानंतर छोट्या रकमेचे मुद्दल व नफा मिळवून देत पुन्हा जास्त गुंतवणूक करण्यास भाग पाडतात आणि फसवणूक करतात.

फेसबुक,इन्स्टाग्राम,टेलिग्राम,व्हॉट्सॲप,यूट्यूब, शेअरचॅट आदींवरून मॅसेज येतात.बऱ्याच दिवसांपासून साईट वापरत नसाल तर टू स्टेप व्हेरीफिकेशन झाले नाही तर ते अकाऊंट हॅक केले जाते.फोटो एडिट करून अश्लील व्हिडीओ व मॅसेज  तयार करून मित्रांच्या ग्रुपमध्ये पाठवणार आहे; अशी धमकी दिली जाते.ब्लॅकमेल करून पैसे उकळले जातात,अशा अनेक प्रकारे फसवणूक होऊ शकते.