लाडक्या बहिणींची प्रतीक्षा संपणार; मे महिन्याचे दीड हजार रुपये लवकरच येणार खात्यात..

उद्रेक न्युज वृत्त :-लाडक्या बहिणींची प्रतीक्षा संपणार असून मे महिन्याचे दीड हजार रुपये लवकरच खात्यात टाकले जाणार असल्याची माहिती महिला व बालविकास मंत्री अदिती तटकरे यांनी माध्यमांशी बोलतांना दिली. लाडकी बहीण योजना सुरूच राहणार असून या योजनेबाबत अनेक गैरसमज पसरवले जात आहेत.चार महिन्यांपूर्वीच्या तपासणीत आढळले होते की,काही सरकारी महिला कर्मचारीही या योजनेचा लाभ घेत आहेत.त्यामुळे अशा लाभार्थींचा लाभ तात्पुरता थांबवण्यात आला होता.तरीही,सर्व पात्र महिलांना हप्ता लवकरच दिला जाणार आहे,असे त्यांनी स्पष्ट केल्याने राज्यातील लाखो महिलांना आता दिलासा मिळण्याची शक्यता आहे.त्यामुळे येत्या १० तारखेला वट पौर्णिमेच्या दिवशी लाडक्या बहिणींच्या खात्यात दीड हजार रुपये टाकण्याची शक्यता वर्तविण्यात येत आहे.आतापर्यंत पात्र लाभार्थी महिलांच्या खात्यात एकूण १३ हजार ५०० रुपये जमा करण्यात आले आहेत.मे महिन्याचे लाभ मिळताच एकूण १५ हजार रुपये एका पात्र लाभार्थी महिलेस लाभ होणार आहे.त्यातच एकाच कुटुंबात दोन महिला लाभ घेणाऱ्या असतील तर अश्यांची चांदीच-चांदी म्हणावी लागेल.