रूम खाली करण्यास बोलावले गुंडे; किरायदारास धो-धो धुतले.. – ब्रम्हपुरीच्या गुजरी वार्डातील प्रकार..

ब्रम्हपुरी(चंद्रपूर):-रूम खाली करण्यास सांगूनही किरायदार ऐकत नसल्याने घर मालकाने चक्क सात-आठ गुंड प्रवृत्तीच्या तरुणांना बोलावून किरायदारास धो-धो धुतल्याची घटना ब्रम्हपुरीच्या गुजरी वार्डात काल शनिवारी घडली.प्रकरणी मारहाण झालेला किरायदार व घरमालक या दोघांनीही ब्रम्हपुरी पोलीस ठाण्यात तक्रार दाखल केली.त्यानुसार पोलिसांनी गुन्हा दाखल केल्याची माहिती आहे.वंदना भैसारे रा.गुजरी वॉर्ड,ब्रम्हपुरी असे घरमालकाचे नाव आहे,तर सचिन बांबोळे वय ३८ वर्षे, रा.किटाळी मेंढा, ता.नागभीड,जि.चंद्रपूर असे किरायदाराचे नाव असून आहार विशेषज्ञ म्हणून काम करतात.

ब्रम्हपुरीच्या गुजरी वार्डातील घरमालक वंदना भैसारे यांच्या घरी सचिन बांबोळे व त्यांचा मुलगा दिलशान

रूम करून किरायाने राहतात.किरायाची खोली खाली करावी यासाठी भैसारे यांनी वीज बिल वाढ व पाणी पट्टी वाढ केल्याने जे महिन्याचे पैसे ठरले,तेच मागा,असे सचिन बांबोळे यांनी विचारताच लवकर रूम खाली करा,अशी धमकी भैसारे यांनी देणे सुरू केले.घर मालकाच्या त्रासाला कंटाळून बांबोळे यांनी

१४ जुलै रोजी पोलिसात तक्रार दिली.त्यानुसार बांबोळे यांनी दुसरी रूम शोधायला सुरुवात केली.मात्र,रूम न मिळाल्याने त्यांनी रूम खाली करण्यास भैसारे यांना मुदत मागितली.अश्यातच दोन दिवसांपूर्वी शुक्रवार १ ऑगस्ट रोजी खोलीत असतांना घरमालकीण वंदना भैसारे,मुलगी प्रीती भैसारे यांनी सात-साठ युवकांना सोबत घेऊन भांडण सुरू केले.या तरुणांनी लाथाबुक्क्यांनी बेदम मारहाण केल्याची तक्रार पोलिसात दिली.यावरून पोलिसांनी आरोपी प्रीती भैसारे यांच्याविरुद्ध भारतीय न्याय संहिता कलम ११५ (२),१८९(२),१९१ (२),३३3 व ३५२ अंतर्गत गुन्हा दाखल केला.दरम्यान,भैसारे यांनीही तक्रारी केल्याने बांबोळे यांच्याविरुद्ध उशिरा गुन्हा दाखल झाला.घटनेचा पुढील तपास ब्रम्हपुरी पोलिस करीत आहे.