- Advertisement -
- Advertisement -
- Advertisement -
- Advertisement -
उद्रेक न्युज वृत्त
मुंबई :-अजित पवार गटाचे राष्ट्रवादी काँग्रेस नेते बाबा सिद्दिकी यांची काल,शनिवारी १२ ऑक्टोंबर रोजी रात्री साडे नऊ च्या सुमारास मुंबईतील वांद्रे येथील खेर नगर येथील आमदार पुत्र झिशान यांच्या कार्यालयाबाहेर गोळ्या झाडून हत्या करण्यात आली होती.सिद्दिकी यांनी या वर्षी फेब्रुवारीमध्ये काँग्रेस सोडली आणि अजित पवार यांच्या गटात सामील झाले होते.
सिद्दीकी यांच्या हत्या प्रकरणात सहभाग असलेल्या आरोपींची ओळख पटली असून एकाचे नाव गुरमैल बलजीत सिंह असून तो हरियाणाचा रहिवाशी आहे. तर दुसरा आरोपी उत्तर प्रदेशच्या बहराइच येथील असून त्याचे नाव धर्मराज राजेश कश्यप असे आहे. त्याचे वय १९ आहे.तर तिसरा आरोपी अद्याप फरार आहे.त्याचे नाव शिव कुमार गौतम उर्फ शिवा असून तोही बहराइच येथील राहणारा आहे.
पोलिसांनी ३ पैकी २ शूटर्सना अटक केली आहे. एकजण फरार आहे.एक शूटर हरियाणाचा तर दोघे उत्तर प्रदेशातील बहराइच चे आहेत.ते ४० दिवस मुंबईत थांबले होते आणि सिद्दिकी यांचे घर आणि मुलाच्या कार्यालयाची रेकी करीत होते.सिद्दिकी यांना वाय-सुरक्षा मिळाली होती; मात्र घटनेच्या वेळी त्यांच्यासोबत एकही हवालदार नव्हता.रस्त्यावरील दिवे आणि सीसीटीव्हीही बंद करण्यात आले होते.
ऑटोमध्ये आलेल्या ३ शूटर्सनी दोन बंदुकांमधून ६ राऊंड फायर केले.बाबा सिद्दीकी यांना तीन गोळ्या लागल्या.त्यांच्या पोटात दोन आणि छातीवर एक गोळी लागली.तिघांनी तोंडाला रुमाल बांधले होते.
बाबा सिद्दिकींची हत्या करणाऱ्या आरोपींकडून मुंबई गुन्हे शाखेने २८ जिवंत काडतुसे जप्त केली आहेत. आरोपींचा आंतरराष्ट्रीय टोळीशीही संबंध असू शकतो. त्याची पडताळणी केली जात आहे.
पोलिसांनी दोन्ही आरोपींना आज किल्ला न्यायालयात हजर करून १४ दिवसांची कोठडी मागितली आहे. आरोपी धर्मराजने आपले वय १७ सांगितले आहे. स्वतःला अल्पवयीन असल्याचे सांगितले.मात्र आधार कार्डनुसार त्याचे वय २१ वर्षे आहे.धर्मराजच्या दाव्यावर न्यायालयाने त्याचे आधार कार्ड मागितले आहे. जेणेकरून त्याच्या वयाची पडताळणी करता येईल.लॉरेन्स बिश्नोई टोळीने सोशल मीडियावर पोस्ट टाकून हत्येची जबाबदारी स्वीकारली आहे.मात्र, सदरची पोस्ट सोशल मीडिया वर कुणी टाकली याचा शोध पोलिसांकडून सुरू आहे.
- Advertisement -
