नाट्यश्री कविता स्पर्धेचे एकेचाळीसावे सत्र संपन्न… – एकेचाळीसाव्या सत्रात मोहटोला(किन्हाळा)चे केवळराम बगमारे विजयी..

गडचिरोली :-स्थानिक ‘नाट्यश्री साहित्य कला मंच, गडचिरोली’ च्या वतीने आठवड्यातील उत्कृष्ट कवी व कविता हा नविन उपक्रम सुरू करण्यात आलेला आहे.त्यानुसार दर आठवड्याला ही स्पर्धा घेण्यात येते.या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते.या कवितेला आठवड्याची उत्कृष्ट कविता व कवीला आठवड्याचे उत्कृष्ट कवी म्हणून पुरस्कृत करण्यात येते व पुरस्कार म्हणून एक पुस्तक व आकर्षक प्रमाणपत्राने गौरविण्यात येते.

या उपक्रमाचे एकेचाळीसावे सत्र नुकतेच पार पडले असून यात २७ कवींनी सहभाग नोंदविला होता.या स्पर्धेचा निकाल नुकताच जाहीर करण्यात आला असून त्यात गडचिरोली जिल्ह्यातील कवी केवळराम बगमारे यांची आठवड्याचे उत्कृष्ट कवी व त्यांच्या “माझी सौभाग्यवती” या कवितेची आठवड्याची उत्कृष्ट कविता म्हणून निवड करण्यात आली आहे. असे नाट्यश्रीचे संचालक तथा नाटककार चुडाराम बल्हारपुरे व कविता विभाग प्रमुख योगेश गोहणे यांनी कळविले आहे.

केवळराम बगमारे हे मोहटोला (किन्हाळा), ता.देसाईगंज,जिल्हा-गडचिरोली येथील रहिवासी असून ते झाडीपट्टीतील प्रसिद्ध तबलावादक व नवोदित कवी आहेत.झाडीपट्टीतील अनेक नाटकातून त्यांनी संगीतही दिलेले आहे.त्यांना भजनाचाही छंद आहे.त्यांच्या या यशाबद्दल नाट्यश्री चे प्रा.‌अरुण बुरे, दादा चुधरी,दिलीप मेश्राम,प्रा.यादव गहाणे तसेच नाट्यश्री च्या सदस्यांनी त्यांचे अभिनंदन केले आहे. एकेचाळीसाव्या सत्राच्या स्पर्धेत प्रामुख्याने प्रा. पी.एस.बनसोडे,राजेंद्र यादवराव सोनटक्के,रोहिणी पराडकर,पुरुषोत्तम दहिकर,अजय राऊत,पुनाजी कोटरंगे,चरणदास वैरागडे,लता शेंद्रे,तुळशीराम उंदीरवाडे,रोशन येमुलवार,मुर्लीधर खोटेले,संगीता ठलाल,ऊकंडराव नारायण राऊत,यामिनी मडावी, वंदना सोरते,माधुरी अमृतकर,रेखा दिक्षित,वामनदादा गेडाम,कृष्णा कुंभारे,सोनाली रायपुरे-सहारे,खुशाल म्हशाखेत्री,मधुकर दुफारे,वंदना मडावी,सुजाता अवचट,सुनिल चडगुलवार,संगीता रामटेके,केवळराम बगमारे इत्यादी कवींनी सहभाग नोंदविला होता.

एकेचाळीसाव्या सत्रातील पुरस्काराचे वितरण नाट्यश्रीच्या पुढील कार्यक्रमात करण्यात येणार असल्याचे नाट्यश्रीचे संचालक तथा नाटककार चुडाराम बल्हारपुरे यांनी कळविले आहे.