पीएमश्री छत्रपती शिवाजी महाराज नगरपरिषद शाळेत मुख्यमंत्री देवेंद्र फडणवीसांचा वाढदिवस साजरा.. – वाढदिवसानिमित्त विद्यार्थ्यांना शालेय किटचे वाटप.

देसाईगंज(गडचिरोली):-महाराष्ट्र राज्याचे मुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस यांच्या वाढदिवस दिनाचे औचित्य साधून

‘पीएमश्री छत्रपती शिवाजी महाराज नगरपरिषद उच्च प्राथमिक शाळा जुनी वडसा’ देसाईगंज येथे

शालेय विद्यार्थ्यांना उपयोगी साहित्य किटचे वाटप करून फडणवीस यांच्या वाढदिवसाचा कार्यक्रम विविध मान्यवरांच्या उपस्थितीत मोठ्या उत्साहात साजरा करण्यात आला.

कार्यक्रमाच्या अध्यक्षस्थानी मोतीलाल कुकरेजा माजी उपाध्यक्ष,नगरपरिषद देसाईगंज हे होते.तर प्रमुख अतिथी म्हणून आकाश अग्रवाल जिल्हाध्यक्ष,उद्योग आघाडी,नरेश विठ्ठलानी माजी सदस्य,नगर परिषद देसाईगंज,सचिन खरकाटे तालुकाध्यक्ष देसाईगंज शहर तथा माजी आरोग्य सभापती नगर परिषद देसाईगंज,राजू जेठानी जिल्हा उपाध्यक्ष भाजप, चेतनदास विधाते भाजपा शहर महामंत्री,हेमाताई कावळे माजी सदस्य,वर्षा राऊत समाजसेविका,  श्रीमती कोडापे समाजसेविका तसेच शाळेचे मुख्याध्यापक किशोर चव्हान यांची उपस्थिती लाभली.कार्यक्रमाची सुरुवात पाहुण्यांचे स्वागत पुष्पगुच्छ देऊन झाली.शाळेचे मुख्याध्यापक किशोर चव्हाण यांनी कार्यक्रमाची प्रस्तावना सादर केली.यानंतर सर्व मान्यवरांनी आपल्या मनोगतातून मुख्यमंत्री देवेंद्र फडणवीस यांच्या कार्याची स्तुती करत वाढदिवस साजरा करून त्यांच्या दीर्घायुष्याची सदिच्छा व्यक्त केल्या.प्रसंगी विद्यार्थ्यांना मुख्यमंत्री फडणवीस यांच्या वाढदिवसानिमित्त उपस्थित मान्यवरांच्या हस्ते भेटवस्तूसह उपयोगी साहित्य किटचे वाटप करण्यात आले.कार्यक्रमाचे संचलन शिक्षक आर.व्ही.मस्के यांनी केले.तर कार्यक्रमाच्या यशस्वीतेसाठी शाळेचे शिक्षक शिवराम हाके,राहुल भैसारे,श्रीमती मेश्राम यांचे योगदान मोलाचे राहिले.शेवट शिक्षक पठाण यांनी सर्व पाहुण्यांचे आभार मानून कार्यक्रमाची सांगता करण्यात आली.