नक्षलवाद्यांच्या दहशतीला न जुमानता नागरिकांनी बंदुका केल्या पोलिसांच्या स्वाधीन..!

गडचिरोली :-जिल्ह्यात सोमवार २८ जुलै पासून ते ३ ऑगस्ट या कालावधीत नक्षल्यांकडून शहीद सप्ताहाची घोषणा करण्यात आली आहे.सदरच्या काळात नक्षलवादी विविध भागात नक्षली स्मारके तयार करून बॅनर लावत असतात.या कालावधीत नक्षलवादी हिंसक घटना घडवण्याच्या तयारीत असतात.त्यामुळे शहीद सप्ताहाच्या पार्श्वभूमीवर नक्षल्यांकडून कोणतीही हिंसक घटना घडू नये, याकरीता जिल्हा पोलिस दलाकडून नक्षलविरोधी अभियान तीव्र करण्यात आले आहे. अश्यातच आता जिल्ह्याच्या अहेरी तालुक्यातील दामरंचा भागातील नागरिकांनी नक्षलवाद्यांच्या दहशतीला न जुमानता स्वतःकडील ३ बंदुका व १ नग बंदुकीचे बॅरेल दामरंचा उपपोलीस स्टेशन येथील पोलीसांच्या स्वाधीन केल्या आहेत.आदिवासी बांधव वन्यजीव संरक्षण तसेच शिकारासाठी परंपरेने बंदुका बाळगायचे.नक्षलवादी हे अतिदुर्गम आदिवासी भागातील नागरिकांच्या अशिक्षितपणाचा फायदा घेत स्थानिकांना आपल्या संघटनेत सामील करून घ्यायचे.मात्र,आता सर्वत्र चित्र बदलू लागलेय,लोकांना चुकून कळलेय की आपण काय करत आहोत.त्यामुळे नक्षलवाद्यांच्या आमिषाला बळी न पडता नागरिक त्यांच्यापासून दूर होऊ लागले.