‘त्या’ वाघिणीने धुमाकूळ घालीत एक बैल,तीन शेळ्या व एका गायीसह जवळपास दहा जनावरांचा पाडला फडशा…

गडचिरोली :-जिल्ह्याच्या धानोरा तालुक्यातील रांगी,खारडी,वनखेडा या परिसरात मागील काही दिवसांपासून दोन बछड्यांसह वाघिणीचा वावर सुरू आहे.या वाघिणीने आतापर्यंत रांगी येथे एक बैल, खारडी येथील तीन शेळ्या,दुसानटोला येथील एका गायीसह जवळपास दहा जनावरांचा फडशा पाडला असून वाघिणीच्या या धुमाकुळीमुळे रांगी परिसरातील नागरिकांमध्ये दहशतीचे वातावरण पसरले आहे.रांगी परिसरातील वाघीण दोन बछड्यांसह जंगलात वावरत असल्याचे वनविभागाच्या ट्रॅप कॅमेऱ्यात दिसून आले आहे.वाघिणीने महिनाभराच्या कालावधीत जवळपास दहा जनावरांना ठार केले आहे.यामुळे या वनक्षेत्रात एकट्याने प्रवेश करू नये; गरज भासल्यासच समूहाने जावे,मोबाइलवर गाणी वाजवत जावे,गळ्याच्या सभोवताल दुपट्टा ठेवावा,बसून राहू नये,वाघांचा वावर असलेल्या वनक्षेत्रात जाणे टाळावे; असे आवाहन रांगीचे क्षेत्र सहाय्यक संजय रामगुंडेवार यांनी केले आहे.