आरमोरी तालुक्यात तडीपाराचा आदेश असलेल्या गुन्हेगाराने सख्ख्या भावाची गोडी झाडून केली हत्या..

चंद्रपूर :-लहान भाऊ व मोठा भाऊ एकाच मार्गावर पाऊलावर-पाऊल ठेवत जीवन जगू लागले.दोन सख्खे भाऊ गुन्हेगारी प्रवृत्तीचे.दोन्ही भावांवर चंद्रपूरसह इतरही जिल्ह्यात अनेक गुन्हे दाखल झालेत.त्यानुसार लहान भावाला गडचिरोली जिल्ह्याच्या आरमोरी तालुक्यात तडीपाराचा आदेश नुकताच निर्गमित करण्यात आला होता.अशातच मागील काही दिवसांपासून घरगुती कारणावरून दोन भावात वाद सुरू होता.परत काल,बुधवार ३० जुलैच्या सायंकाळी दोघात पुन्हा वाद झाला आणि रागाच्या भरात लहान भावाने मोठ्या भावाला बंदुकीतून गोळी झाडून जागीच ठार केल्याची घटना चंद्रपूर शहराच्या बाबूपेठ परिसरातील जुनोना

मार्गावरील विक्तुबाबा मंदिराच्या मागील परिसरात रात्री साडे सातच्या सुमारास घडली.बंदुकीच्या गोळ्यांचा आवाज ऐकू येताच संपूर्ण परिसरात एकच खळबळ माजली.बुद्दासिंग टाक वय ५० वर्षे,रा. जुनोना असे हत्या झालेल्या मोठ्या भावाचे नाव आहे.तर लहान भाऊ सोनूसिंग टाक हा घटनेनंतर फरार झाला आहे.घटनेची माहिती मिळताच घटनास्थळी चंद्रपूरचे एसपी सुदर्शन मुम्मका,अतिरिक्त पोलिस अधीक्षक ईश्वर करकाळे, उपविभागीय पोलिस अधिकारी सुधाकर यादव,स्थानिक गुन्हे शाखेचे पोलिस निरीक्षक अमोल काचोरे आणि रामनगरचे निरीक्षक आसिफ राजा यांनी घटनास्थळी धाव घेत तपास सुरू केला.आरोपी सोनूसिंग टाक अद्याप फरार असून पोलिसांकडून त्याचा शोध घेतला जात आहे.