आता भारतात ‘स्टील हब’ म्हणून होणार गडचिरोलीची ओळख.. – आज मुख्यमंत्र्यांच्या हस्ते विविध प्रकल्पांचे उद्घाटन व भूमिपूजन..

गडचिरोली :-आदिवासी,बहुल,नक्षलग्रस्त म्हणून ओळखल्या जाणाऱ्या गडचिरोलीची ओळख आता ‘स्टील हब’ म्हणून होणार आहे.भारतातील सर्वात मोठा प्लांट गडचिरोली जिल्ह्यात विकसित केला जाणार असून त्या दिशेने वाटचाल सुरू आहे.अश्यातच आज,मंगळवार २२ जुलै रोजी राज्याचे मुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस यांच्या हस्ते गडचिरोली जिल्ह्यातील कोनसरी येथे लॉयड्स मेटल्स ॲण्ड एनर्जी लिमिटेड च्या विविध प्रकल्पांचे उद्घाटन व भूमिपूजन करण्यात येत आहे.यात हेडरी येथील ५ मिलियन टन प्रतिवर्ष क्षमतेचा आयर्न ओर ग्राइंडिंग प्लांट,हेडरी ते कोनसरी ८५ किलोमीटर लांबीची आणि १० मिलियन टन प्रतिवर्ष क्षमतेची स्लरी पाइपलाइन व कोनसरी येथील ४ मिलियन टन प्रतिवर्ष क्षमतेचा पेलेट प्रकल्प यांचे उद्घाटन तसेच कोनसरी येथे ४.५ मिलियन टन प्रतिवर्ष क्षमतेच्या एकात्मिक स्टील प्रकल्प,कोनसरी येथील १०० खाटांचे रुग्णालय,कोनसरी येथील सीबीएसई शाळा आणि सोमनपल्ली येथील लॉयड्सच्या कर्मचारी वसाहत या प्रकल्पांचे भूमिपूजन  करण्यात येत आहे.