अज्ञात वाहनाची धडक; बिबट्याच्या बछड्याचा मृत्यू..

नागपूर :-रस्ता ओलांडत असतांना एका अज्ञात वाहनाने जोरदार धडक दिल्याने बिबट्याचा बछडा ठार झाल्याची घटना गुरुवारच्या सायंकाळी सात वाजताच्या सुमारास दक्षिण उमरेड वनपरिक्षेत्रातील बोटेझरी बीट परिसरात उघडकीस आली.भिवापूर तालुक्याच्या पाहमी गावापासून अवघ्या दोन किलोमीटर अंतरावरील मांडवा मार्गावर सदरचा अपघात घडला.घटनेची माहिती होताच गावकऱ्यांनी एकच गर्दी करून वन विभागास माहिती दिली. घटनास्थळी दक्षिण उमरेडचे वनपरिक्षेत्र अधिकारी विवेक आंबटकर पथकासह दाखल झाले.अपघातात ठार झालेला बिबट्याचा बछडा अंदाजे ४ महिन्यांचा असल्याचे त्यांनी स्पष्ट केले.रस्ता ओलांडत असतांना कार अथवा अवजड वाहनाची जोरदार धडक लागली असावी,असा कयास बांधला जात आहे.