अखेर लाडक्या बहिणींचा ऑगस्ट महिन्याचा मार्ग मोकळा; खात्यात येणार दीड हजार..

उद्रेक न्युज वृत्त :-मुख्यमंत्री माझी लाडकी बहीण योजनेच्या ऑगस्ट महिन्याच्या प्रलंबित हप्त्याचा मार्ग अखेर मोकळा झाला आहे.विशेष म्हणजे,मुख्यमंत्री माझी लाडकी बहीण योजनेतील पात्र लाभार्थी महिलांना ऑगस्ट महिन्याचा आर्थिक लाभ देण्याकरिता आज,गुरुवार २४ सप्टेंबर रोजी राज्य सरकारने सामाजिक न्याय विभागाचा ३३९ कोटी १४ लाख रुपयांचा निधी वितरित करण्यास मान्यता दिली आहे. यासंदर्भात सामाजिक न्याय व विशेष सहाय्य विभागाने आज शासन निर्णय जारी केला आहे.२०२६-२७ या आर्थिक वर्षासाठी ‘मुख्यमंत्री माझी लाडकी बहीण’ योजनेच्या अनुसूचित जाती घटकासाठी ३ हजार कोटी रुपयांचा निधी मंजूर करण्यात आला आहे.त्याच तरतुदीतून ऑगस्ट २०२६ महिन्याचा आर्थिक लाभ देण्यासाठी ३३९ कोटी १४ लाख रुपये उपलब्ध करून देण्यात आले आहेत. सामाजिक न्याय व विशेष सहाय्य विभागाने याबाबत आदेश काढत हा निधी महिला व बालविकास विभागाकडे सुपूर्द केला असल्याने महाराष्ट्र राज्यातील पात्र लाभार्थी महिलांच्या खात्यात मागील ऑगस्ट महिन्याचे दीड हजार रुपये येत्या एक ते दोन दिवसांत जमा होण्यास सुरुवात होणार आहे.