कोंढाळा ग्रामपंचायतीच्या वतीने राष्ट्रपिता महात्मा गांधी व माजी पंतप्रधान लालबहाद्दूर शास्त्री जयंती विविध उपक्रमांनी साजरी…

कोंढाळा(गडचिरोली):-देसाईगंज तालुक्याच्या

कोंढाळा ग्रामपंचायतीच्या वतीने आज,बुधवार दिनांक-२ ऑक्टोंबर रोजी सकाळच्या सुमारास राष्ट्रपिता महात्मा गांधी व माजी पंतप्रधान लालबहाद्दूर शास्त्री जयंती विविध उपक्रमांनी साजरी करण्यात आली.

राष्ट्रपिता महात्मा गांधी व माजी पंतप्रधान लालबहाद्दूर शास्त्री जयंती दिनाचे औचित्य साधून सर्वप्रथम सकाळच्या सुमारास ग्रामपंचायतीच्या सरपंचा अपर्णा राऊत,उपसरपंच गजानन सेलोटे,पोलीस पाटील किरणताई कुंभलवार,ग्रामपंचायतीचे सर्व सदस्य, अंगणवाडी सेविका,मदतनीस,ग्रामपंचायतीचे कर्मचारी व ग्रामस्थांच्या वतीने ‘स्वच्छता पंधरवडा’ अभियान राबवित सकाळी ७:३० वाजता आरोग्य उपकेंद्र, पशुवैद्यकीय दवाखाना,जिल्हा परिषद शाळा तसेच गावातील परिसराची स्वच्छता करण्यात आली. ग्रामपंचायत परिसरात वृक्ष लागवड करून ग्रामपंचायतीच्या समाज मंदिर सभागृहात सकाळी ११ वाजेच्या सुमारास महात्मा गांधी व लालबहाद्दूर शास्त्री यांच्या प्रतिमांना मान्यवरांच्या हस्ते पुष्पहार अर्पण करून महात्म्यांच्या जीवन पटलावर प्रकाश टाकण्यात आला.प्रसंगी उत्कृष्ट स्वच्छता दूत पुरस्काचे वितरण करण्यात आले.उत्कृष्ट स्वच्छता दूत पुरस्काराचे मानकरी ग्रामपंचायतीचे स्वच्छता कर्मचारी केशव गायकवाड हे ठरले.ओला कचरा आणि सुखा करच्याची विल्हेवाट लावण्याकरीता गावातील ग्रामपंचायत कर थकबाकी नसलेल्या ग्रामस्थांना तसेच अंगांवाड्यांना कचरा कुंडी वाटप करण्यात आले.त्याचप्रमाणे अंगणवाडीतील चिमुकल्यांना  शैक्षणिक साहित्य वाटप करून मोठ्या उत्साहात राष्ट्रपिता महात्मा गांधी व माजी पंतप्रधान लालबहाद्दूर शास्त्री जयंती विविध उपक्रमांनी साजरी करण्यात आली.