कोंढाळा येथे ‘स्वच्छता पंधरवडा’ निमित्त स्वच्छ माझे गाव,सुंदर माझे परिसर.. – ग्रामपंचायत,शाळा,ग्रामस्थांच्या वतीने संपूर्ण गाव परिसरात स्वच्छता अभियान..

ग्रामपंचायतीच्या माध्यमातून गाव परिसरात ग्रामपंचायत पदाधिकारी,सामाजिक कार्यकर्ते,प्रतिष्ठित नागरिक,विविध समित्यांचे पदाधिकारी तसेच महाविद्यालयीन विद्यार्थी यांनी एकत्र येऊन राष्ट्रपिता महात्मा गांधी यांची संकल्पना पूर्णत्वास नेण्याच्या दृष्टिकोनातून संपूर्ण गाव परिसराची सफाई केली.

राष्ट्रपिता महात्मा गांधी यांनी स्वच्छतेचा धडा आपल्याला दिला असून त्याचे रूपांतर स्वच्छतेकडे एक पाऊल पुढे टाकत स्वच्छता हा प्रत्येकाचा स्वभाव व संस्कार झाला पाहिजे; असे ग्रामपंचायतीच्या सरपंचा अपर्णा राऊत यांनी नमूद केले.ग्रामपंचायतीने

 स्वच्छता पंधरवड्याचे निमित्त साधून १५ दिवसांत स्वच्छतेसह काही उपक्रम विविध ठिकाणी आयोजित करण्यात आले आहेत.

यावेळी ग्रामपंचायतीचे उपसरपंच गजानन सेलोटे, पोलीस पाटील किरण कुंभलवार,देसाईगंज पंचायत समितीचे माजी उपसभापती नितीन राऊत,तंटामुक्त समितीचे अध्यक्ष हरिभाऊ पत्रे,सामाजिक कार्यकर्ते अरुण कुंभलवार,निखिल गोरे,ग्रामपंचायतीचे सदस्य संदीप वाघाडे,प्रतिभा राऊत,शिल्पा चौधरी,भुमेश्र्वरी गुरूनुले,नलिना वालदे,कल्पना झिलपे,प्रफुल मेश्राम, गोकुल ठाकरे,प्रतिष्ठित नागरिक सीताराम धोटे, अनिता शेंडे,जिल्हा परिषद प्राथमिक शाळेचे मुख्याध्यापक योगेश ढोरे,विद्या निकेतन लोकमान्य टिळक संकुल विद्यालयाचे मुख्याध्यापक के.एम. देशमुख,जिल्हा परिषद शाळेचे शिक्षक संतोष टेंभूर्णे, लालचंद धाबेकर,सुरेश आदे,माधुरी रामगुंडे,ममता घाटबांधे,रजनी जांभूळकर,भीमाबाई ठवरे,प्रवीण शेंडे,आरती चौधरी,मोहिनी झिलपे,विद्या निकेतन लोकमान्य टिळक संकुल विद्यालयाचे शिक्षक एस.एस.हर्षे,शिक्षिका आर.वाय.कन्नाके, ग्रामपंचायतीचे कर्मचारी वृंद तसेच ग्रामस्थ मोठ्या संख्येने उपस्थित होते.