कोंढाळा येथील देसाईगंज शेतकरी उत्पादक कंपनीची दुसरी वार्षिक सर्वसाधारण सभा संपन्न…

कोंढाळा(गडचिरोली):-देसाईगंज फार्मर प्रोड्युसर कंपनी लिमिटेड कोंढाळाची दुसरी वार्षिक सर्वसाधारण सभा काल,बुधवार दिनांक-२५ सप्टेंबरला कोंढाळा येथील कंपनीच्या कार्यालयामध्ये आरमोरी विधानसभा क्षेत्राचे आमदार कृष्णा गजबे यांच्या प्रमुख उपस्थितीत पार पडली.देसाईगंज शेतकरी उत्पादक कंपनीच्या अध्यक्षस्थानी कंपनीचे अध्यक्ष सुनील पारधी हे होते.सभेत कंपनीच्या वार्षिक अहवाल पुस्तकाचे मान्यवरांच्या हस्ते अनावरण करण्यात आले.त्याचप्रमाणे कंपनीच्या मयत सभासदांच्या वारसांना शाल व साडी देऊन सन्मान करण्यात आला.तसेच एनसीटी कोढे मॉडल एस आर आय पद्धतीनुसार उत्कृष्ट धान लागवड केल्याबद्दल सभासद विनोद ठेंगरे यांचाही सत्कार करण्यात आला.

कंपनीच्या कार्यक्षेत्रा अंतर्गत दहा गावातील ८०० कंपनी शेअरधारक शेतकरी बांधव उपस्थित होते.

सभेचे संचालन चैतनदास विधाते तर जमाखर्च कोणार्क बोनगिलवार सीईओ यांनी वाचन करून दाखविले.आभार कंपनीचे संचालक मेघनाथ दूनेदार यांनी मानले.सभा संपल्यानंतर लगेचच सर्व सभासदांनी स्नेहभोजनाचा आस्वाद घेतला.

सभेला आरमोरी विधानसभा क्षेत्राचे आमदार कृष्णा गजबे,नाबार्डचे जिल्हा विकास प्रबंधक पौनीकर,

देसाईगंज तालुका कृषी अधिकारी खंडाळे,एनसीटी महेश,गडचिरोली आत्मा नोडल अधिकारी कोचरे, माजी महिला व बालकल्याण सभापती रोशनीताई पारधी,आत्माचे बीटीएम रहांगडाले,देसाईगंज महाराष्ट्र बँक शाखेचे शाखा प्रबंधक,ग्रीन गोंडवाना कंपनीचे अध्यक्ष प्रशांत दर्वे,कंपनीचे सदस्य,संचालक व इतर पदाधिकारी उपस्थित होते.