मुलचेरा च्या अडपल्ली चक येथे जागतिक आदिवासी दिन उत्साहात साजरा…

गडचिरोली :-संपूर्ण देशात ९ ऑगस्ट हा जागतिक आदिवासी दिवस म्हणून साजरा केला जातो.जागतिक आदिवासी दिनाचे औचित्य साधून मुलचेरा तालुक्याच्या अडपल्ली चक येथे उपस्थित मान्यवर,

जिल्हा परिषद शाळेतील विद्यार्थी तसेच ग्रामवासीय आदिवासी बांधवांच्या वतीने जागतिक आदिवासी दिन मोठ्या उत्साहात साजरा करण्यात आला.

सर्वप्रथम पहा पहांदीपारो कुपार लिंगोच विशेष अतिथी म्हणून लाभलेले रामचंद्र शेडमाके,प्रकाश कन्नाके,राजू पाटील शेडमाके,वामनराव कन्नाके यांच्या हस्ते विधिवत पूजन करण्यात आले.तर प्रमुख पाहुणे म्हणून लाभलेले पटवारू जुमनाके,चंपत शेडमाके, विनोद गेडाम,सुभाष शेडमाके,रमेश मडावी,दिगंबर परचाके यांच्या हस्ते ध्वजारोहण करण्यात आले.

कार्यक्रमाला विशेष मार्गदर्शक म्हणून कवी,लेखक प्रभाकर देविदास दुर्गे तर कार्यक्रमाचे सहाय्यक म्हणून गौरव उराडे हे होते.कार्यक्रमाचा सूत्रसंचालनाची धुरा  तुळशीराम बावणे यांनी सांभाळली.तर कार्यक्रमाच्या अंतिम टप्यात आदिवासी गोटुल समिती व आदिवासी गोंड-गोवारी युवा संघटनातर्फे अल्पोपहाराची व्यवस्था  करण्यात आली.

कार्यक्रमाच्या यशस्वीतेसाठी आदिवासी गोटुल समितीचे अध्यक्ष दिपक शेडमाके,आदिवासी गोंड- गोवारी युवा संघटनेचे अध्यक्ष आकाश नागोसे,सचिन राऊत,राहुल लोहट,प्रणय शेडमाके,शेखर पोरेते, स्वप्निल सुरपाम,शुभम ऊरेते,जितेंद्र परचाके,मयूर बावणे,इमरान पेंदोर,विकी शेडमाके,आकाश राऊत व समस्त ग्रामवासीयांनी परिश्रम घेत जागतिक आदिवासी दिन उत्साहात साजरा केला.