उद्रेक न्युज वृत्त
गडचिरोली :- एका तरुणीला भूलथापा देऊन प्रेमाच्या जाळ्यात ओढणारा व लैंगिक संबंधाचे व्हिडीओ समाजमाध्यमांवर प्रसारित करण्याची धमकी देऊन सव्वातीन लाख रुपयांची खंडणी मागणारा पोलिश शिपाई पद्माकर भागवान भोजने वय ३८ वर्षे याच्यावर पीडित तरुणीच्या तक्रारीवरुन लैंगिक शोषण,अनुसूचित जाती,जमाती अत्याचार प्रतिबंधीत कायद्यान्वये गुन्हा दाखल करीत अटक करण्यात आली.आरोपी पोलिस शिपायास न्यायालयात हजर केले असता; त्याला तीन दिवसांची पोलिस कोठडी
सुनावण्यात आली आहे.सराईत गुन्हेगाराला लाजवेल असा हा गुन्हा पोलिस शिपाई पद्माकर भोजने याने केला आहे.तो विवाहित असताना देखील पत्नीला घटस्फोट दिल्याचा बहाणा करीत त्याने २७ वर्षीय पीडित तरुणीला लग्नाचे खोटे आश्वासन देऊन आपल्या जाळ्यात ओढले होते.पद्माकर भोजने हा गडचिरोली जिल्हा पोलिस मुख्यालयात कार्यरत असून,त्याने भूलथापा देऊन पीडित युवतीसोबत प्रेमसंबंध निर्माण केले.दरम्यान लग्नाचे आमिष दाखवून वारंवार पीडितेचे लैंगिक शोषण केले.
इतकेच नाही तर लैंगिक शोषणाचा व्हिडीओ रेकॉर्ड करुन समाज माध्यमांवर प्रसारित करण्याची धमकी देऊन त्याने पीडितेकडे दीड लाखाच्या दागिन्यासह रोख तीन लाख रुपयांची मागणी केली होती.पोलिस शिपायाद्वारे फसल्या गेल्याची बाब पीडितेच्या लक्षात येताच तिने त्याच्याविरुद्ध गडचिरोली पोलिस ठाण्यात तक्रार दाखल केली.तक्रारीअंती पोलिसांनी भोजने यांचेवर लैंगिक अत्याचार, ॲट्रॉसिटी ॲक्ट,आदी कलमान्वये गुन्हा दाखल करुन अटक करण्यात आली आहे.न्यायालयात आरोपीस हजर केले असता तीन दिवसांची पोलिस कोठडी सुनावण्यात आली. प्रकरणाचा पुढील तपास गडचिरोली पोलिस करीत आहेत.
