उद्रेक न्युज वृत्त
देसाईगंज(गडचिरोली) :-देसाईगंज शहरातील जवाहर वार्ड,कमलानगर आणि जुनी वडसा रोड परिसरात बिबट्याने बऱ्याच दिवसांपासून धुमाकुळ घातला आहे.शहराच्या जवाहर वार्डला लागून असलेल्या इटीयाडोह पाठ्बंधारे विभाग तसेच जिल्हा परिषद जलसंधारण विभागाच्या कार्यालय परिसरात खुल्या जागेमध्ये मोठ्या प्रमाणात मोठ-मोठी झाडे तसेच झुडपी झाडे असल्याने बिबट्याने याच ठिकाणी आपले बस्तान सुरू केले आहे.बिबट्या रात्रीच्या वेळेस येऊन जवाहर वार्ड परिसरातील मोकाट कुत्रे आणि घरातील पाळीव प्राणी बिबट्या उचलून नेत आहे. मागील काही दिवसांपूर्वी झेन लॉन परिसरात बिबटयाचा वावर असलेले सि्सिटिव्ही विडिओ प्रसार माध्यमांवर वायरल झाले होते.अशातच जवाहर वार्ड येथील नागरिकांनी परिसरात बिबट असल्याचे फोटो वायरल केले आहेत.बिबट्याच्या वावर शहरात
जवाहर वार्ड व कमलानगर येथील नागरिकांना बिबट्याचे दर्शन झाल्याने परिसरातील नागरिक भयभीत झाले आहेत.त्यामुळे एखादे वेळेस अनुचित प्रकार घडू नये; याकरीता शहरात धुमाकूळ घालणाऱ्या बिबट्याचा तात्काळ बंदोबस्त करण्यात यावा; अशी मागणी समाजवादी पार्टीचे गडचिरोली जिल्हाध्यक्ष आणि पत्रकार इलियास खान यांनी वनविभागाकडे केले आहे,
