उद्रेक न्युज वृत्त
नागपूर :- कोणतीही वैध डिग्री नसतांनाही तोतया डॉक्टर,उपचाराचा देखावा करीत रुग्णांच्या जीवाशी खेळत होता.वर्षभर उपचार घेऊनही महिला रुग्णाला कुठलाच आराम झाला नाही.त्यावर त्याने तिला अश्लील मेसेजही पाठविले.शंकेपोटी महिलेच्या कुटुंबियांनी शोधाशोध केली.त्यात तो झोला छाप डॉक्टर असल्याचे समोर आले.कुटुंबीयांनी पोलिसात तक्रार दिल्यानंतर या तोतया डॉक्टरचा भांडाफोड झाला.प्रथमिक तपासानंतर सदर पोलिसांनी गुन्हा दाखल केला आहे.नागपूर येथील सदरच्या श्रीराम टॉवर येथे द ब्युटीफूल माईंड क्लिनिक आहे.विजय त्रिवेदी येथे येणाऱ्या रुग्णांवर उपचार करतो. गिट्टीखदान परिसरात राहणारी ७१ वर्षीय महिलेच्या सुनेला सौम्य स्वरुपाचा मानसिक आजार आहे. त्या तिला क्लिनिकमध्ये घेऊन गेल्या.५ जानेवारीपासून उपचार सुरू होते.वर्षभर उपचार घेऊनही आराम मिळाला नाही.यामुळे सुनेला दुसऱ्या डॉक्टरकडे नेले. तिथे यापूर्वी कुणाकडे उपचार घेतले.अशी विचारणा करण्यात आली.डॉ.त्रिवेदी नाव सांगितले असता नव्या डॉक्टरांनी या नावाचा या क्षेत्रात कोणताच डॉक्टर नसल्याचे सांगितले.त्यामुळे सासूने इंटरनेटवर सर्च केले. तेथेही कोणतीच माहिती मिळाली नाही.त्रिवेदी बनवाट डॉक्टर असल्याची खात्री झाल्यानंतर वृद्ध सासूने पोलिसांत तक्रार दिली.त्रिवेदी याच्याकडे कुठल्याही प्रकारची डीग्री नसताना त्याने सायकॉलॉजीची बनावट डीग्री खरी असल्याचे भासवून रुग्णावर उपचार करीत असल्याचे त्यांनी तक्रारीत नमूद केले आहे.
